太子上車,下一站又係太子.......

:0:0

大約係三丶四年前，仲記得果日係星期三下午3~4點左右，果陣岩岩見完工，係太子站上車一切都無咩異樣，
上左向觀塘方向嘅車之後就開始執返整齊見工D野，列車亦都如常開出啦。

太子上車,下一站又係太子.......
因為我係樂富就要下車，所以我都唔敢執得太忘我，都會聽實個廣播.....但我執執下聽到廣播"下一站太子，next station...."
心諗係車長播錯左，但係眼見其他乘客無咩特別反應，我都無理到，反正下一站係石硤尾，點知....
到左下一站，當我以為係石硤尾，點知又係太子！？我好驚訝但沒有意識到係果D野，可能係地鐵因為下班車未走所以兜左個圈？
但係如果下班車未走，唔係應該會停低咩？

太子上車,下一站又係太子.......
我解釋唔到，可能係我少搭地鐵啦.....

其實本身諗住返到屋企send返封信叫地鐵解釋下，當增加下地鐵公司嘅工作量。

太子上車,下一站又係太子.......

打之前我就上網搵下有無人都發生過甘嘅事，點知原來並唔係我一個試過甘樣....而最心寒嘅係無人知道原因，亦有人話可能係異度空間等等....
我愈睇愈心寒，當然send信嘅念頭亦打消左，唔敢搞甘多野....

太子上車下一站又係太子? 港鐵怪事好多唔少網友話遇過

喺太子港鐵站上車後，下一站又係太子站？究竟係咪撞鬼？還是出現平行時空？還是仲有其他原因？

近日呢個講「喺太子上車後，下一站又係太子」嘅post熱爆網上，有唔少網友都話自己或者係身邊朋友曾經遇過類似嘅事，
有人話同樣係太子站，亦有人喺並他站出現過，港鐵真人咁猛鬼？仲要就嚟農曆7月14日，唔通…..

而呢件事啲原因就引起網友熱烈討論喇，唔少網友都覺得事件好詭異，
但亦有網友話只係呢班自稱曾經遇到類似事件嘅人掛住玩電話、發夢或者瞓著咗而搭返回頭車而未有察覺。

之後又有自稱係工程師嘅網友分拆鐵路運作，指這種情況老是常出現，話只係港鐵因為內部班次調整而喺備用路軌兜圈。
不過就有網友唔認同佢嘅講法喇，直言港鐵列車咁長，好難兜圈喎，仲叫呢位巴打唔好吹水。唔同網友有唔同意見，究竟真相係點？真係好亂呀！

[圖擷取自網路，如有疑問請私訊]