秋天的頻道
亞視暗星KOL去人婚禮著到grad din毒L咁 巴打:擺明搶fo搏出位!可恥!
:0:0
去人婚禮著得斯文得體是常識吧!導演夫人「小花」日前去KOL Alicehaha個婚禮時居然著到同平時落街無分別,一啲尊重都無,仲影相放上網以為自己好出位!一眾巴打當然睇唔過眼,決定圍插佢!
閱讀全文
譚杏藍小花同Alice同樣都係youtuber,有共同話題、工作上又成日都接觸到,自然就傾得埋,更成為好朋友添!早前兩人都相繼出書,亦有互相支持對方!
大家咁好朋友,Alice就當然有邀請小花出席佢個婚禮啦!小花以為係普通觀禮,所以無盛妝打扮,點知去到見到全部人都打扮得花枝招展,全場衣香鬢影,先發現自已「跑錯場」!
小花表示當時著錯衫又大素顏,所以都唔敢搵新娘影相!佢仲參照「那年十八 母校舞會 站著如嘍囉」影咗張相抽自己水!
巴打們就唔太明點解可以著錯得咁離譜,大插小花話佢「唔知咩叫尊重」!
其他人出席婚禮都著得大方得體,反觀小花就…
小花平時出活動都會著得好得體,反而朋友嘅婚禮著到咁,巴打就覺得好有可疑!
雖然小花有解釋返平時出event服裝係由公司安排,而今次因為行程太趕,已經係一落機直刻9衝過去出席婚禮!但巴打們就覺得一切都係藉口,換過衫都著成咁,擺明就想「搶focus」,搏出位啦!
不過,當事人Alice就一啲都唔介意,指出「穿甚麼都沒關係,人來就好」,巴打們仲嘈嚟做咩呢,大家「打和」算啦!
膠通消息來源:連登、小花IG、Alice IG
睇埋:KOL到底使唔使交稅 網民:好想睇佢哋仆街雖然肥仔黎我都知大家都唔係好想交稅,但有返咁上下人工都逃唔過要交稅㗎啦!最近有連登仔就開post問,到底班KOL交咗稅未?搞到成班連登仔女衝晒出嚟留言。
最近有連登仔開post問,到底班KOL交咗稅未?事源係班KOL成日周身名牌,真係唔講都知佢哋賺唔少錢,不過肥仔黎我都好想知到底佢哋賺埋賺埋有冇交稅?
原文如下:
真係唔知呢啲到底係sponsor定係自費,班KOL真係時不時都著到成身名牌,之後影十九幾張相post IG,真係有錢到你想像唔到。
唔少網民紛紛留言,話KOL本身間公司會幫佢做數,總之做完唔使交稅。
不過都有網民食花生,話到底佢哋係做數定做假數。講真呢啲除咗佢哋自己知,都唔會知個真相。
有網民仲抽范冰冰水,又話好想睇班KOL仆街,真係搞唔掂。
膠通消息來源:連登
延伸閱讀:Youtuber有粉絲,當然都有hater,譚杏藍雖然IG有好多follower,但都有好多人唔鍾意佢,話佢成日扮可愛,唱歌又難聽,就連拍片都俾網民負皮。
譚杏藍終極KOL負皮王譚杏藍早前拍咗條素人改造成日系萌妹嘅片,不過就俾網民負皮,令到本身係清純學生妹look嘅素人,都變成油頭毒L。
原文如下:
譚杏藍之前喺IG搞咗素人改造計劃,最後揀咗叫阿Nat嘅網民,同佢進行日系改造。不過一開頭譚杏藍就係咁sell產品,似賣廣告多過真心想幫人改造囉。
到咗化妝部分,譚杏藍問阿Nat有冇修眉,Nat就話:「拔過呀,但係佢生返出嚟」,之後譚杏藍就明串:「正常呀,大佬呀,邊個拔完毛唔會生返出嚟,咁脫毛公司冇飯開啦」。
不過網民睇完條片狂負皮,話佢改造到條女好7:
不過都有網民覺得改造得幾好:
雖然譚杏藍平時化妝set頭搞到自己成個日本妹咁,但唔係個個都適合嘅。
好唔好睇肥仔黎就唔評價,你哋自己睇啦!
Cap by:連登、hana tam@IG
[圖擷取自網路,如有疑問請私訊]
本篇
不想錯過? 請追蹤FB專頁!
喜歡這篇嗎?快分享吧!
前一頁
後一頁
相關文章
山下智久痛失未婚妻和小孩,新劇《BLUE MOMENT》惹哭日網,創下最高首播紀錄!
只露腳底板4秒吸引250萬人朝聖,日本女大生嚇壞...親自透露拍攝原因!
臭蟲災情入侵日本!電車座椅、飯店都中標,網友分享「臭蟲飯店地圖」,被吸血後症狀曝光。
石原聰美與龜梨和也合作日劇《Destiny》,劇中每個妝都是自己畫的!首次透露剪短髮原因:一定要剪!
日本最年輕殺人犯!11歲女童用美工刀刺死同學, 長相曝光後竟被網民追捧和模仿,打造成「同人女主角」...
日劇女王篠原涼子想轉行,盼望有天自己能寫劇本,攜手笨蛋節奏攜手主演《YIPS 易普症》播出了!
秋天的頻道
P牌仔玩報復打橫泊車阻駛出 網民怒轟自私野蠻
X國黑心餐具廠房環境極惡劣 大企業一樣係咁衰
網民:李榮浩去台灣搵楊丞琳要跟團 內地停台灣自由行簽證
【香港西客之道】驚安之殿堂開幕網民投訴多 3大冧招氹港人、貼地推廣東話主題曲
極品西客一句激嬲客服員 點解要食飯?收工大晒呀!
湯洛雯5大完美老婆特質 巴打:用一世運換做佢老公!
【恐怖意外】環保不鏽鋼飲管暗藏危機 英婦跌倒10吋長飲管插眼穿腦亡
懶理飛機安全演示照去廁所被勸告 內地客:「我懂自己救自己!」 | 真心膠 | 膠Hub
【有片睇】吉林水上樂園人造浪變「海嘯」 釀44人受傷3名骨折
【藝人、KOL剋星】Adobe研發面部偵測軟件 P圖假樣一秒打回原形