【中伏】女網友真人同相完全差天共地！ 網民嬲到綁架勒索！

網上資訊一向唔可以盡信，尤其是係啲相，宜家P圖技巧非常高超，亦有好多美顏相機，是真是假都已經分唔出了！有網民日前約咗女網友見面，點知出嚟後發現真人同相完全係兩個人！網民就覺得好嬲，一顆弱小心靈受到欺騙，嬲得濟之下就決定綁架勒索女網友！閱讀全文
呢名湖北男子與34歲女網友喺10月時透過手機交友程式而認識，經過一段時間交談，決定約出嚟見面。見面後接受唔到女網友真人同照片嘅落差太大，一怒之下就拎出刀挾持對方，仲搶去女網友嘅手袋。


男網民威脅女網民要交出6萬作為賠償。由於女網民無咁多錢喺身，男網民就叫佢用發生交通意外為藉口向朋友籌錢。好彩女網民嘅朋友聰明，發覺件事好奇怪，亦好擔心女網民嘅安全，因此報警求肋！最後警方順利救出女網民，亦成功拘捕男網民。

不過，相信大家都有同一個疑惑，就係：「點解會隨身帶刀」，有網民懷疑佢跟本有預謀，「一切都係借口，刀都準備好，擺明就搶劫」！唔少網民認為男事主自己大驚小怪，「張相一睇就P過啦，唔係應該有晒心理準備咩？」、「下巴尖到咁」。
膠通消息來源；楚天都市報
睇埋：「照騙」靚女真身原來係肥妹　竟然話水腫咗20公斤成日話有圖有真相，但其實有圖都未必係事實，何況依家「照騙」咁多，用「美圖秀秀」分分鐘醜女都變靚女。所以話依家上網識人，唔可以淨係帶眼啦。
喺馬來西亞有女事主喺啲吹水網（馬來西亞）話自己啲相俾人盜用，有個肥妹（自稱婷婷）竟然利用女事主嘅相喺社交網站識咗個男仔，仲要約出黎食飯！唔講咁多，睇圖啦！




大家互相send相，傾心事，你以為結局會好美好？你錯啦！



就咁睇相，都覺得好正！長髮氣質靚女，但點知……

當佢地約咗出嚟，巴打真係嚇到傻咗，靚女變肥妹，完全接受唔到囉！最搞笑嘅係，呢位婷婷竟然話：「那照片是我毀容前的樣子，我今日水腫約20公斤，當然長不一樣。」仲要厚臉皮繼續同巴打飲茶傾計。

其後，巴打搵到啲相嘅真正主人！



原來呢個婷婷唔單止用女事主啲相，仲盜用其他人啲相，將自己塑造成單親媽媽嘅形象周圍去呃人。提醒各位要小心呢位「水腫姐」！大家喺網上識人真係要小心「照騙」！



[圖擷取自網路，如有疑問請私訊]