【成功爭取】區議會一致通過取消「自娛區」 屯門公園大媽檔有望壽終正寢

一直以嚟「成功爭取」呢四隻大字,都係停留喺「紅綠燈延長兩秒」嘅層面,不過日前一眾網民同屯門牛發起嘅「光復屯門公園」行動就唔同,上星期六(7月6 日),過萬名人士浩浩蕩蕩遊殺入屯門公園,高呼「支持警方執法」、「支持警方掃黃」,誓要消滅霸佔公園嘅「大媽魔音」,嚇到大媽歌手「小麗」(先前被誤認係另一名大媽「娜娜」)都要匿入公廁⋯⋯今日事情竟然有突破性進展!有請小鳳姐!
撰文:B | 資料來源:屯門公園衛生關注組、網上圖片
Cap嚟見我
街坊成功爭取 屯門公園自娛區壽終正寢主辦「光復屯門公園」遊行嘅屯門公園衛生關注組今日中午喺Facebook專頁宣佈:「屯門街坊成功爭取自娛區壽終正寢」,屯門區議會今早不消幾分鐘就一致通過取消屯門公園內嘅「自娛區」,煩人嘅「大媽魔音」有望被取締,困擾屯門居民十多年嘅惡夢終於有機會發完喇!不過「關注組」就話:「噪音滋擾街坊十年,原來幾分鐘就解決到。咁請問呢十年嚟,區議會到底做緊咩?」多得一班網民同屯門街坊用遊行去「嘈」醒一眾保皇黨區議員佢,佢哋終於瞓醒去投票喇!
關注組宣佈:屯門街坊成功爭取自娛區壽終正寢(圖片來源:屯門公園衛生關注組)屯門牛憤怒了!過萬人喺上星期六參與「光復屯門公園」遊行(圖片來源:屯門公園衛生關注組)區議會僅促取消自娛區 執法與否還看康文署正當全港18區網民爭相向屯門牛發來賀電時,有心水清嘅巴絲就提醒大家,今次區議會通過議案,只係要求康文署加強執法,真正當握執行大權的是康文署,康文署屯門區康樂事務經理譚燕婷就喺在會議上話,當年喺公園劃出「自娛區」,目的係想減低園內「曲藝活動」嘅噪音,佢又否認外間所指,署方包庇大媽發放噪音、疑似喺公園「做生意」等行為,又稱署方對取消自娛區持開放態度。觀乎康文署對大媽問題「闊佬懶理」足足十多年,佢哋嚟近會有咩行動呢?拭目以待啦!
屯門公園「名人」:大媽娜娜、Happy伯 (圖片來源:網上圖片)屯門公園「名人」:大媽娜娜 (圖片來源:網上圖片)大媽「病毒」擴散全港各區另外,亦有屯門街坊指,大媽嘅「搵食地」根本唔喺「自娛區」,而係喺公園嘅其他區域,認為單單是取消「自娛區」,恐怕未能徹底根治問題。亦有網民指,早年旺角西洋菜南街「殺街」後,「菜街大媽歌手」如癌細胞般擴散至港九各區,目前中環碼頭、尖沙咀天星碼頭、土瓜灣海心公園亦有大媽為患嘅問題。野火燒不盡,大媽生命力如「小強」,唔知其他受影響地區嘅居民會唔會效法屯門牛,再次發起光復行動呢?
中環碼頭近年都出現大媽駐唱,帶來「噪音」同「搵食」問題 (圖片來源:網上圖片)中環碼頭近年都出現大媽駐唱,帶來「噪音」同「搵食」問題 (圖片來源:網上圖片)


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁