賀歲片的經典睇到識背都要每年重溫

:0:0

喜氣洋洋的農曆新年又到了，連放幾日假，大家除咗一如既往地拜年、逗利是同行街，當然唔少得睇返套賀歲片！不過小編唔係講去戲院睇，而係嗰啲每年電視都重播，但大家每年都會照樣乖乖坐低睇，睇到劇情都識背嗰啲賀歲片！以下呢幾套經典，你冇理由未睇過啩！
撰文：東方新地圖片：新傳媒圖片、劇照、電影截圖
Cap嚟見我
那些年的經典賀歲片《富貴逼人》（1987）呢套80年代的經典，由兩位已故的巨星、董驃及肥姐沈殿霞主演。佢哋在片中飾演一對終日夢想發橫財的夫妻驃叔及驃嫂，其中驃嫂係一位典型的香港師奶，閒時與鄰居打麻雀，又經常買六合彩，希望可以一朝發達後向親戚街坊炫耀。屋邨生活、打牌、買六合彩，最貼近市民生活的題材盡在此片，用現在的說法就係夠「貼地」！電影爆笑之餘亦不乏人生道理，結果票房大收旺場，後來添食推出《富貴再逼人》(1988年)、《富貴再三逼人》(1989年)、《富貴黃金屋》(1992年)。

那些年的經典賀歲片，一定唔少得肥姐嘅《富貴逼人》電影系列！

《家有囍事》（1992）賀歲片點會冇周星馳！星爺的好作品實在太多，不過《家有囍事》絕對係經典！呢部92年作品集星爺、張國榮、黃百鳴、張曼玉及吳君如等多位巨星，甚至關海山同李香琴都好搶戲，個個角色都獨當一面，令人印象深刻！情節夠晒無厘頭，經典場面多不勝數，廿幾年後的今日睇，一樣係咁正！

要數香港喜劇女王，非吳君如莫屬，由《家有囍事》中的程大嫂，到近年《金雞sss》38G巨胸阿金、《12金鴨》鴨界萬人迷Future哥。

《逃學威龍3之龍過雞年》（1993）呢套雞年賀歲片已經係25年前的作品，如果以《逃學威龍》系列來說，呢一集算係相對被忽略的一部。但部份場面，仍然惹笑。此片大肆戲謔當年人氣荷里活片《本能》，不乏惹笑場面，而且星爺與梅艷芳成功擦出火花，不論係喜劇場面或感情戲都演得出色。

《行運一條龍》（1998）雖然大家都公認《行運一條龍》係星爺作品，不過其實佢在戲內只有約十分鐘的演出，但其中星爺與吳孟達的經典對白「年初四咁嘅樣」，就足以令大家每年都拎出嚟loop一次！「年初四，假又放完、錢又使晒、工又要返，點會好樣呢……」

《嚦咕嚦咕新年財》（2002）可算係千禧年後的最佳賀歲片，杜棋峰及韋家輝執導，集劉德華、劉青雲、古天樂、梁詠琪等多位紅星，絕對係誠意之作！劇情溫馨惹笑，不乏精彩的麻雀鬥法（如梁詠琪與黃文慧的新袍奶奶鬥法），而且打牌金句夠晒精闢，好一句「牌品好，人品自然好；牌品唔好，即係人品唔好」、「愈爛嘅牌，愈要俾心機打」簡直係至理名言！

千禧賀歲片《嚦咕嚦咕新年財》都有唔少金句，你記得邊句？

《行運超人》（2003）《行運超人》由梁朝偉、楊千嬅及鄭中基主演，千嬅片中的角色運氣奇差，原來係被玄學高手鄭中基左右運勢，於是佢得風水學家偉仔協助，最終邪不能勝正，大團圓結局。而偉仔唱嗰句「中狀元，救老母，時間啱啱好！」，亦係唔少人心中經典。

重溫40年來11張紅星經典賀年相群星熱鬧賀新歲！由早年的神級喜劇之王周星馳，再到最入型入格的賴皮古惑仔化骨龍，以及後期的牛歡喜食家暴龍哥，這些港産喜劇都是大家心目中的經典。要數到近十年來一套可以睇完又睇，基本上背到所有笑位的電影，由谷德昭執導的《龍咁威》系列，絕對是其中一個代表作！近日喺紅館開五場個唱嘅鄭中基，喺去年宣布今年會開拍《龍咁威》第3集，仲話原班馬演出，消息公布後，網民即指掀集體回憶！
編輯：東方新地｜原文：NewMonday ｜圖片：新傳媒圖片、電影截圖、電影劇照
鄭中基下年開拍第三集！《龍咁威》10大經典場口回顧1. 真係MEKO水嚟喎！第一次睇龍咁威經已被第一幕的交易吸引住，眼看龍威在褲浪位取岀手套及飲管，以極專業的態度一試貨品真偽，再同專係砵蘭街呃啊婆啲棺材本嘅玉面人趙應鶉講岀一句：「咦！真係MEKO水嚟喎！」（唔知呢個趙應鶉的人物設定同有線高層趙應春又有冇關呢？）

2. 白飯魚真係有白飯魚由龍大雙先生創立嘅龍威體育用品公司係2003年度的旗艦級岀品，竟然是一對白！飯！魚！而這對只賣人民幣$19.9的白布鞋竟以在四川吸收天地靈氣的生曬白飯魚作氣墊膠囊，更可作為鞋的避震，抵受重擊！什麼air max，pump fury都要行埋一二邊。

3.皮膚科醫生洗介賴、髮型師狼狗所謂有錢就做蝙蝠俠，無錢就做好警察。三子最害怕的正正是步入警察學堂。龍威貪靚就係人都知，始終他亦有另一個Model之王的身份（Mandom啊），三子的皮膚科醫生洗介賴亦提醒過他們，只能用Duve或Lux，絕對不能用蝦世界。至於狼狗就叫佢哋一定要用護髮素同要吹頭。

4. 燒槍燒到玩軍火我諗唔使九叔多講大家都記得呢幕，跟據學警手冊第23項第23章第23條，學警可以依照自己興趣學習，加上那時的恐怖份子全球作案，學定點用軍火都係傍下身。

5. 試試啲腦汁，咦！仲諗緊嘢喎！玩埋伏就當然係我伏吓你，你又伏下我，至於鄧Sirrrr呢，唔好講咁多，試試佢啲腦汁先。

6. 佢哋叫我做垃圾啊，我是廢紙〜呢句直頭係人生大道理！

7. 都係嗰句啦，容易襯衫啊嘛！買車買到買衫咁，應該真係得佢哋三個先做到。

8. 好消息，唔洗割包皮！Whats up Man ! Whats up Man ! Whats up Man ! Boom ! 唔洗割包皮！好消息！唔洗割包皮！

9. 警訊鄭中基喺《龍咁威》系列中，由佢主持嘅《警訊》就同張達明、李璨琛演嘅「瑞士山區肺騙案」，鄭中基扮騙徒嘅同黨，以一身空姐look現身非常突出，真係非常戲劇化又有喜劇感。

第二集鄭中基再扮Roller girl！
10. 喂！手足！幫手逗一逗！

《龍咁威3》明年開拍原班人馬回歸鄭中基喺去年公布未來電影計劃，除操肌拍攝新片《阿龍》，亦正籌備開拍佢嘅喜劇代表作《龍咁威3》。鄭中基透過助手回應表示的確會開拍《龍咁威3》，佢話原本想在今年年中開拍，19年賀歲檔上演，但不過依家可能要改到明年中開拍，目標係後年2020年嘅賀歲檔上映！佢仲話打算請2003年第一集原班人馬拍攝，由佢同谷德昭執導，演員就會有李璨琛、張達明同埋鄧麗欣(Stephy)，鄭中基補充話知道觀眾想Stephy可以接拍，故此希望就到檔期，能夠齊人演出。

鄭中基在《龍咁威》中，演不學無術富二代，最後在警隊中重拾勇氣。

電影中鄧麗欣是鄭中基想追的女神。

鄭中基、李燦森和張達明在《龍咁威》中分別扮演的龍威、吳樹喜和黃金舟！
當年千嬅更在《龍咁威》客串一角！

05年《龍咁威2》口碑麻麻《龍咁威》叫好叫座，但第二集《龍咁威之皇母娘娘呢?》搵嚟同樣係Mini Cookies成員嘅Miki做女主角，可惜口碑好差，悶戲連場一啲都唔好笑，所以大家點估到十多年後會開拍《龍咁威3》，仲由鄭中基執導，希望真係成事又係原班人馬演出，更加希望好過第二集啦！

當年嘅Miki眼大大走可愛路線，深得少男歡心，如今佢都已經做咗人妻同媽咪喇！

除咗Miki，第二輯仲加入同為Mini Cookies成員嘅傅穎同吳雨霏！

仲有已經離開咗我哋嘅魯芬BB，有佢搶鏡嘅演出，真係令套劇生色不少，可惜我哋只能憑住電影懷念佢！

《行運超人》睇番鄭中基近年都好少拍電影，連新歌都冇乜！佢喺90年代以歌手身份出道，一頭長髮令人留下形象，而他都有好多經典情歌，好似如《晴天陰天雨天》、《我代你哭》等，之後佢都有參與電影演出，在2003情佢喺《行運超人》中扮演反派斷蟹一角，跟梁朝偉楊千嬅大鬥法，其中鄭中基扮女人一幕，真係喜劇才華大爆發！