被主持串「淨係得樣冇實力」　毛記龍志權喺全民造星絕地反擊

有睇開毛記嘅人，一定會有聽過或者見過佢，毛記主播龍志權！龍志權就走咗去參加ViuTV嘅「全民造星」，佢自己一開始就因為多Fans就一嘢彈咗入55強。不過，ViuTV嘅評判同主持好似就唔睇好佢喎！Cap嚟見我
最底有片！！！
睇返個宣傳片，旁白就話毛記嘅龍志權因為有好多粉絲，所以網民投票高，暗串佢冇實力都入到圍！

啲評判就話佢唱歌太老，好似90年代咁 ，仲話龍志權OPPA浪費自己嘅時間！


佢哋話要淘汰龍志權。
連主持都問佢：「除咗外表，仲有咩叻？」「如果冇，可以直接走人。」

咁惡？

認真，你嗰啲得自信嘅參賽者，唔係好多個好過佢⋯⋯
唔知係咪受咗刺激，龍志權喺下場比賽，作出反擊，實力超出其他參賽者幾條街！

龍志權可能知自己唱歌未必最好，所以佢用咗K房來包裝自己唱歌，半搞笑半唱歌。平時會喺K房聽到，喺佢表演都會見到。

佢就揀咗隻男女合唱嘅歌，自己一個人唱晒。肥仔黎有時唱K都會咁，一個人分兩角，喺度自High。
評判好似睇得幾開心！

但最搞笑嘅係，突然有開門聲，有把男聲：「先生，你杯嘢飲。」

龍志權聽到，就立即正經坐底唱返男聲。哇！真係扮K房扮到十足！
當侍應走咗，龍志權又開始發癲自己男女聲合唱。

個個評判都睇到拍手！


仲有人話，龍志權搞笑個樣都咁認真，好正！

個個都俾藍燈喎！


睇到咁開心？
呢個時候，有把聲就話夠鐘啦！龍志權就好似我哋咁，諗住唱多首先走。

點知已經俾人Cut歌，仲聽到平時覺得最煩嗰句「各位Neway既K迷，係咪玩得好開心呢？ 」連肥仔黎都識接埋落去：「走既時候，唔好漏低你既隨身物品。 下次黎Neway，記住唱我既新歌啊！」


全民造星
【好想同龍仔一齊唱K


[圖擷取自網路，如有疑問請私訊]