少女紋身上癮男友嗌分手　巴打：接受唔到女仔畫到花晒 | 真心膠 | 膠Hub

喺阿婆阿媽嘅年代，紋身係壞人嘅象徵，不過隨住社會開放，紋身已經變成一門藝術，好多女仔都會紋。話雖如此，但原來今時今日仲有人接受唔到紋身，連登絲打「我想嘔啊」就話，佢本身好熱愛紋身，亦紋到上癮，所以愈紋愈多，但係佢男朋友就話頂唔順，如果佢再係咁，就同佢分手喎，紋身同男友，兩樣都係自己喜歡嘅，要二揀一，實在係唔知點算。閱讀全文
係咪真係冇解決方法？其他巴絲打點睇呢？
佢唔可以阻止你鍾意紋身，你都唔可以阻止佢唔鍾意紋身。
原來絲打啲紋身係可以用衫去遮晒，咁都唔係好過分啫。世事真係冇得兩全其美。
呢位絲打都係紋身愛好者，而且同男友溝通得好好，值得借鏡。
呢位巴打都不無道理，奉勸絲打好好諗清楚。
有時香港真係好保守。
佢雖然包容唔到你，但都冇打算迫你或者說服你，都算尊重啦。
如果紋身個圖案有紀念意義，咁係應該要體諒。
每個人都係獨立個體，自己負責就得啦，最緊要活得開心。

真係有人思想保守㗎。
呢位巴打係過來人，為老婆放棄咗紋身。
呢位巴打話接受唔到女仔「畫花晒」。
佢話樓主男友係好男人，想同樓主一世喎。
要考慮，即係男友唔係最重要啦，咁不如放過你男友啦。問題係佢男友一開始又話接受到紋身，既然唔鍾意，不如一早講明，好過而家咁爆煲啦！膠通消息來源：連登


[圖擷取自網路，如有疑問請私訊]