【投胎KOL】劉鳴煒教理財　10歲生日收10萬蚊利是儲起佢 | 真心膠 | 膠Hub

「投胎KOL」劉鳴煒又嚟料喇！自從2015年叫年青人「睇少啲戲、去少啲日本」就可以買樓嘅離地偉論之後，劉鳴煒不時都會發功9up，佢日前接受香港電台節目《講錢。講呢啲：咁鍾意講錢，係咪人人識用錢？》訪問，又再展示佢講風涼話嘅獨特才華了！佢喺節目入面強調儲錢嘅重要性，富二代同你班窮L觀眾講儲錢？唔L係呀？真係笑死寶寶了！佢話自己10歲嘅時候收到10萬蚊利是，之後儲起佢喎！哦！
閱讀全文
十萬蚊利是佢喺節目入面，講返1990年佢10歲嘅時候，生日禮物係父母送嘅「100張1000蚊紙」，即係10萬蚊，佢仲好自豪咁話，頭6個月一個仙都冇洗過，每日或者隔日就拎舊錢出嚟數，最終將呢10萬蚊存咗入銀行，為自己唔會亂花錢而自豪喎！

何不食肉糜？大拿拿10萬蚊，對劉生嚟講可能係散紙，不過對窮小孩嚟講已經係天文數字！唔好話10歲，就算20歲人，都未必太多人擁有10萬積蓄啦！首期？下世再投胎都儲唔到啦！話佢言論離地，不如話係「何不食肉糜」！

搵錢難！儲錢仲難！窮L學生嘅零用錢、或者窮L打工仔嘅薪水，連日常開支都掹掹緊！食都唔夠食，仲點去儲錢？

搵15000蚊儲3000蚊除咗「睇少啲戲、去少啲日本」，佢仲曾經講過：「樓價跌晒，你萬五蚊月薪唔肯犧牲每個月儲三千蚊，淨係肯儲五百蚊，你儲首期咪慢過三千蚊嗰位。」唔知道有錢人嘅數字概念係點㗎啦！不過窮人嘅玩法就咁嘅：同父母住嘅要交「保護費」、獨居嘅要交租俾劏房包租婆、迫巴士地鐵嘅車費、食茶記M記嘅飯錢，電話費上網費雜費每樣幾百、還學費貸款俾政府、交稅養「每日150個」、留少少娛樂費用可憐一下自己，仲要寄望自己身體健康唔好要睇醫生，咁仲有幾多錢剩呢？儲條鐵咩？

「投胎KOL」富二代、有錢仔、地產商劉鑾雄個仔、華人置業主席、青年發展委員會副主席，呢N重身份，加上近年發表嘅偉論，充份體現「識投胎好過識投資」嘅道理，所以被網民冠以「投胎KOL」之名。

成功靠父幹鬼叫肥仔黎老豆唔係李嘉誠，又唔係劉鑾雄咩！係咁㗎啦！唔係點呀？

食M記打卡除咗打嘴炮﹐呢位「投胎KOL」都有付諸行動㗎！嗱！本少爺食M記呀！打卡呀！

吸嬲獵人劉生除咗係「投胎KOL」，仲係「吸嬲獵人」，每次現身發表講話，都能夠激起民憤！

網民好在乎「10萬」呢個單位喎！

已經唔係離地咁簡單，直頭活在雲端了。

有時真係令人覺得佢係玩「曲線」。

睇片係時候睇下劉生教大家做人嘅道理！
肥仔嚟打算一路睇，一路咬住個M記「豬柳強」，一路思考人生，今生好好做窮L，下世好好咁投胎做富人！

劉鳴煒留名！
劉鳴煒留名！
Posted by O咀新聞台 on Thursday, 30 August 2018
 
膠通消息來源：香港電台、Facebook、網上圖片
 


[圖擷取自網路，如有疑問請私訊]