袁偉豪一早睇中張寶兒　佢地都鍾意唔沖涼做…

翻查「港姐殺手」袁偉豪（Ben）嘅情史，話佢喺2016年同前港姐岑杏賢分手後，再喺2017年搭上另一位港姐張寶兒……少年， 你太年輕了！近日就爆出袁偉豪早於2016年擔任港姐評判時，已經睇中當年參選嘅佳麗張寶兒（Bowie）㗎喇！而阿Ben睇中阿Bowie嘅原因，竟然唔係因為美貌與智慧，而係因為大家都唔意沖涼？！愛情嘅嘢……係怪癖嘅嘢，真係唔係人人明㗎！

Cap嚟見我
話說當晚其中一個環節，就係評判要揀一位心水佳麗答自己嘅問題，而當時阿Ben就睇中Bowie做「真人地獄體驗式旅遊節目女主持」，問佢如果拍「地獄體驗式」旅遊節目時冇得沖涼點算好？而Bowie竟然答：「我都成日都唔沖涼！」嘩！個答案真係一鳴驚人，完全顛覆咗港姐嘅淑女形象！其實佢係話如果旅行時真係唔方便沖涼，佢都會用啲免水洗嘅清潔用品啫！不過所謂有來有往，阿Ben個回應都係一絕，佢話：「OK，其實我都成日唔沖涼。」司儀之一嘅荷蘭叻都忍唔住串佢哋：「估唔到你哋係一對！」哦，明晒！


袁偉豪素有「港姐殺手」之稱

袁偉豪個ex岑杏賢曾參選2012年港姐，獲得「最上鏡小姐」、「最佳首飾演繹大獎」同埋「時尚目光獎」

張寶兒喺2016年參選時當年三甲不入，不過都有返個「友誼小姐」名銜


原來袁偉豪同張寶兒早已經喺兩年前種下情根了
之後一齊拍攝《打工捱世界II》正式撻着

荷蘭叻真係未卜先知喎！
Cap by：TVB、YouTube、Bowie Cheung 張寶兒 Facebook


[圖擷取自網路，如有疑問請私訊]