大台殘花炒黃牛飛唔敢認　巴打：$2224手續費嚟架！

:0:0

你以為淨係窮人先會炒黃牛？少年，你太年輕了，有錢到好似拿督個女咪一樣要炒黃牛，仲收成$2,224手續費添！

Cap嚟見我
樂壇天王Bruno Mars嘅「24K Magic World Tour」亞博館舉行演唱會，莊思敏原本手上已經有兩張聽日尾場嘅飛，雖然係企位，不過佢竟然唔要喎，仲擺上fb放添，不過個價錢就怪怪地，每張價值$1,488嘅飛，兩張都係$2,976姐，莊思敏開價$5,200兩張！即係貴咗成$2,224！莊小姐啲手續費都真係幾貴！

莊思敏唔知係咪問post時唔覺意set咗全世界都睇到，所以人人都見到佢炒黃牛！雖然莊思敏已經極速del post，不過都唔夠網民手快，仲cap埋圖去莊思敏fb問佢買飛添！
有巴打就問：「你唔係拿督女窮到買黃牛吖？」也有人稱：「我出$5,800唔好同我爭。」

莊思敏今晚去睇Bruno Mars時就回應：「呢個係一個誤會，係一個意外，因為其實我有個朋友，就買咗兩張飛。咁佢買番嚟嘅時候就已經係貴咗架喇，咁佢就去唔到，想賣番出去，咁所以我哋都冇為意，其實佢係因為買貴咗，所以誤會我炒黃牛。」
莊思敏話兩張飛「真係」係佢朋友嘅：「今次純粹都係因為幫朋友，所以先至一時手快。好快我就見到啲人留言，我先至醒起，係喎，佢買貴咗番嚟喎！」又話自己一毫子都冇收。
其實莊思敏已經唔係第一次疑似買賣黃牛飛，2012年，Lady GaGa來港開騷，門票炒到天價咁高。當時佢話有人向佢兜售萬八蚊一張，最後莊思敏講價講到八千蚊一張，但佢最後都冇買，仲話：「我唔會助長歪風！」唔買黃牛，但係又同黃牛講價，相當之奇怪。
睇埋落去有莊思敏學生相個個都話莊思敏係人妖、殘花，不過原來佢細個都幾靚女架喎！