TBB小生搞到被解約　傳對麥明詩做咗不當行為？

做藝人就緊係想拍多啲劇，賺多啲錢㗎啦！不過呢啲都好睇機遇嘅，個排紅咪大把劇大把廣告埋身，如果得罪咗高層就隨時俾人雪藏。以為雪藏已經好誇張？原來再誇張都有，就係被解約！今次被解約嘅事主就係魏焌皓。
魏焌皓大大話話都拍過唔少劇集，《使徒行者2》、《不懂撒嬌的女人》、《拆局專家》、《衝線》、《以和為貴》。佢喺《On Call 36小時》中飾演張一康呢個角色令到更多人認識佢。直到參演《不懂撒嬌的女人》同《使徒行者2》，得到唔少觀眾嘅認同，人氣急升。以為大台會重用佢啦，喺嚟緊嘅新劇《是咁的，法官閣下》會擔任男配角，點知原來佢喺4月已經離開大台。
Cap嚟見我
上個月魏焌皓自爆話自己差唔多喺TVB都有十年，想有其他新嘗試，所以離開大台，點知實情根本就唔係咁！佢喺拍《使徒行者2》嗰時，佢同麥明詩有段淒美愛情，有傳因為佢對麥明詩做咗不當行為，搞到俾監製訓話。

魏焌皓喺IG話：「世界上沒有人會知道下一秒會發生什麼，所以每天都應該跟隨著自己的直覺和激情向前走。如果你傾注全力，好事真的可能會發生。」

搞成咁，依家佢嗰套新劇《是咁的，法官閣下》中嘅角色，都俾大台抽起，仲搞到大台主動同佢解約。唔知一眾藝人知道咗呢件事，會唔會變晒做「偽人」？

講起麥明詩，通常都話食粥食飯睇顏值，人靚多數有特權。的確人靚聲甜有著數，如果你係靚女／靚仔，其他人對你都好啲。可惜這些機會就應該就同肥仔我無關喇。不過麥明詩就有咁的經驗喇。

澳洲牛奶公司出名的好食，但都出名態度惡劣，入去食嘢慢啲都會被人瞪住，所以一定要快、狠、準。如果唔想俾人問候屋企人，無論係點餐定係食都一定要快。所以肥仔黎每次食都好驚。不過，人靚有特權，顏值智慧都爆燈的麥明詩前幾日去左澳牛食下午茶，就有特別待遇。

事關麥明詩去食，不單冇俾人話，仲同侍應哥哥齊齊自拍，難怪她係FaceBook分享左今次的經歷：「去咗澳牛食下午茶，伙計哥哥話同我selfie。我受寵若驚，搞到諗唔到想食炒蛋定煎蛋。聽日太陽應該會西邊升起。#澳牛奇遇記」
她還表示「超好服務呀真係！我未食完個通粉同蛋，佢就已經問我落埋嘢飲。你知以前嘅話，未食完就嗌嘢飲，係會畀佢哋話㗎嘛！」

網民紛紛表示：「妳叫到澳牛食温泉蛋都有可能」、「見你係麥明詩，比多1/3時間你諗」、「令女可以係澳牛慢慢諗食乜」、「你的樣子如何，你的日子也必如何……」
周生生 @chowsangsang_official The Art of Cassie 3pm today Lucie Chang Fine Arts, Sheung Wan See you! Hair @jamieleehair makeup @cyruslee1018
A post shared by Louisa Mak 麥明詩 (@louisa_mak) on Feb 1, 2018 at 7:59pm PST

不過真係，靚女又有禮貌的麥明詩，真係令人真心鍾意她。
Merry Christmas #後生仔傾吓偈
A post shared by Louisa Mak 麥明詩 (@louisa_mak) on Dec 25, 2017 at 6:02am PST

肥仔黎提提大家下次大家食澳牛，記得食快啲，因為your face your fate。話曬冇麥明詩咁靚女都唔好玩命，小心侍應哥哥睥到你飛起。
 
 


[圖擷取自網路，如有疑問請私訊]