大台小花童年照流出　巴打：原來佢細個已經好靚

成日話女大十八變，唔少明星細個同依家完全係兩個樣，不過當然都都有人係由細靚到大啦！好似依家30歲的林夏薇，近日喺劇集《逆緣》演出亮眼，日前佢仲同大家分享一張童年張，再貼心整埋張對比圖，見到佢個樣真係冇變過咁！
林夏薇 正爆眼鏡娘造型Cap嚟見我
林夏薇今年30歲，不經不覺入行七年，早幾年仲做埋人妻，但佢不時都仲會晒弗爆身材益街坊！又好似喺近日熱播的劇集《逆緣》中，林夏薇文青眼鏡娘的造型深受網民歡迎，仲要講埋日本扮日本妹，無得輸呀！

唔係女大十八變林夏薇除了身材皮膚keep得好，靚樣原來由細到大都無變！日前佢喺社交網站上載一張童年照， 可見佢細個已經幾靚女，五官相當標緻；而林夏薇仲貼心咁俾個淡妝樣、做同一個表情等大家對比一下，由細靚到大真係令人羨慕呀！
淡妝一樣咁靚！

Cap by：東方新地、Instagram
Cap圖王行過連登，見到有巴打出咗個頂尖優質Post「一人一張明星細個陣嘅相」。睇住啲小朋友相，真係估到死死吓，喺度宣布Cap圖王係有面盲症！一開始唔好咁難先，開始！
1.五官標緻嘅大眼小朋友一睇就知佢係我哋嘅哥哥張國榮！氣質必勝！

2.感覺佢係乖乖嘅學霸一睇佢憂鬱嘅水汪汪大眼，好難唔知佢係影帝梁朝偉囉！

3.你知唔知你第時有首關於的士嘅歌？巴打冇話佢係邊個，但Cap圖王就覺得佢係陳偉霆！

4.大個由美心少女變成文青女神開估！佢係我哋嘅女神袁澧林！！！

5.大個會拍好多戲？個樣有少少呆萌，大家又點會諗到大咗係我哋認識嘅吳君如！

6.你隻眼洗唔洗咁大！一睇就知係我哋「樂壇孫中山」古巨基！！

7.真係由細靚到大！由幾逼靚到幾十歲，我諗就係講緊張栢芝！

8.我們都是睇住你長大的前排好多人講ETV，先發現連詩雅原來都係童星。

9.大個會係歌手？有巴打話佢係周國賢，Cap圖王死都唔信啦！冇墨喎！！！

10.冷冷雨，WOWOWOWOW一睇你骨骼精奇，就知你大個會唱歌好好聽！張學友！

11.你細個實溝死女由細到大都一樣樣，一望就知佢唔唱K，吳卓羲。

12.你係咪班長嚟，咁正經！好明顯係四大天王嘅劉德華。

13.太陽好曬呀！香港天后級歌手陳慧琳出現！！

14.四大天王？？？巴打就話神情冇變！Cap圖王估吓，唔通係我哋四大天王嘅郭富城？？上網一查，真係！！！

困難指數十級星！11.笑到咁，大個就好醒目依個Cap圖王真心估唔到！之後又有巴打上載多一張相，話係同個人！

有巴打就話，佢係我哋嘅星爺周星馳！
以下嗰啲Cap圖王真係估唔到！
Cap by：連登


[圖擷取自網路，如有疑問請私訊]