康城露兩點大媽原來係90後　網民：27歲？27對就有佢份！

《第71屆康城電影節》早前有一位內地大媽「突襲」，著住套透視裝，胸前兩點任睇唔嬲！經巴打起底之後，原來呢位大媽叫趙欣，係強國模特兒，不過最令13億人震驚嘅係 — 原來個大媽係90後？！

Cap嚟見我
最底有27歲索樣！根據網民起底，趙欣身高180cm，係一位模特兒，都做過唔少品牌嘅model，而且佢仲贏過中國「世界旅遊小姐」冠軍，你無聽錯！係冠軍！

最唔可信嘅係，佢報稱自己係1990年6月出世，即係得27歲！仲搵到佢平時放微博嘅相！睇完張相，一眾巴打都J出血，紛紛留言，仲話張相同嗰日出席紅地氈完全係兩個樣！
嗱，唔理佢係咪得27歲，不過趙欣就被踢爆係「不請自來」，原來根本無人邀請佢出席康城開幕禮同行紅地氈！趙欣月初喺微博發文，仲附上一張「法國嬌蘭邀請函」嘅cap圖，上面有佢個名同相片，表示自己獲邀參加電影節開幕禮，仲多謝法國嬌蘭總裁Laurent Boillot嘅邀請添。

不過法國嬌蘭官方微博就喺趙欣發文下留言，否認有發出邀請，仲留言表示：「此條博文涉及到我方品牌的信息為虛假不實內容，對我司品牌口碑造成負面影響，其中涉及公司高層的錯誤引用也造成了粉絲誤導。請以盡快刪除此微博！希望您予以配合。」睇黎呢位90後大媽都係講大話博出位多啦！
大家一齊睇下趙欣大媽似唔似27歲、90後啦！

露點博出位又點止一個，仲有佢！《死侍2》（Deadpool 2）最近嘅宣傳攻勢非常強勁，不過喺台灣電影首映活動上就發生咗一場「小」意外。當中台灣藝人王思佳穿透視裙同媽媽一同出席，點知期間因為條裙太鬆離罩，王思佳胸前兩點失守，就算之後佢解釋只係乳貼，但有圖有真相！
而死侍仲俾人影到當場扯旗，不過睇真相前，不如睇下《死侍2》嘅宣傳技倆先！

最底有露點相！死侍串到碧咸面黑晒好玩得嘅死侍今次搵咗碧咸同佢一齊玩，宣傳片一開波就見到碧咸睇緊上一集《死侍》，咁啱碧咸就睇到死侍佢串緊自己：「有冇聽過碧咸講嘢？佢好似吞咗成罐氦氣咁」。擺明串9咸爺「雞仔聲」!
之後死侍就好似女朋友咁send message畀碧咸道歉。今鋪咸爺真係嬲咗，死侍不斷咁send message向佢say sorry啦。不過點會咁易原諒死侍呀，死侍之後帶住一大堆禮物，牛奶同餅上門，但係咸爺都係請佢食閉門羹。
死侍不停轉換方法，但都唔掂！死侍最後送上兩張意大利對荷蘭世界盃門票，碧咸先原諒咗死侍。

 死侍 x 咸爺宣傳片段
好啦，講返今次宣傳， 有人話露點係宣傳手法，唔係真嘅，但睇落條裙個位，露就露硬架啦，係咪乳貼就自行判斷啦！

王思佳fb就話會告有份瘋傳露點相嘅人：「伸出援手的我一輩子會記得，落井下石的我會活的比你長」。但佢自己又貼多次係咩玩法？
延伸閱讀復仇者聯盟3：復仇者 3 海報擺烏龍　巴打：係唔係無鷹眼？不斷更新！散場必讀！《復仇者聯盟3》劇透、彩蛋、死亡名單、Captain Marvel 續集上映時序 FAQ 大合集！ 


[圖擷取自網路，如有疑問請私訊]