【有片】冇陰謀！鄭子誠化身「生態情人」　網民：靚仔過劉德華！

一聽到鄭子誠個名，心就寒一寒，一定有陰謀！咪住先！佢今次唔係做「完美奸人」，亦都唔係「音樂情人」，而係化身「生態情人」，為漁護署嘅短片《大自然的情歌》配上旁白，介紹香港嘅生物多樣性，提醒大家「千祈唔好遺忘香港咁美好嘅大自然」，呢條片出街之後，網民反應熱烈，個個都話完勝早幾日劉德華聲嗰條支持填海嘅影片，甚至有人高呼：「鄭子誠靚仔過劉德華！」
都市嘅繁囂、急速嘅步伐，會令我哋錯過咗身邊美好嘅事物——大自然。
Cap嚟見我

我係鄭子誠，你可以叫我做「生態情人」。
影片除咗有鄭子誠把感性靚聲呼籲大家多啲留意香港嘅大自然之外，仲有好多壯觀嘅自然景象。

呢個咁震憾嘅千鳥畫面，的確會喺香港出現！
香港有山有水，山巒、海洋、河流、叢林、濕地，形成豐富嘅生物多樣性。

大自然嘅每種生物都喺度爭妍鬥麗！

「或者當你偶然停下腳步，就會發現，原來大自然一直都係身邊。」

「重塑與自然的關係」佢講咗咁耐，其實並冇乜嘢陰謀，只係想提醒大家「千祈唔好遺忘香港咁美好嘅大自然」！

網民一致「正皮」鄭子誠！
「鄭子誠靚仔過劉德華！」

睇片
【生態情人鄭子誠深情演繹 : 大自然的情歌】
【


[圖擷取自網路，如有疑問請私訊]