【有片】那些年演過乾隆的男神　網民：估唔到佢哋都有份！

一講乾隆，相信大家近期最記得嘅都係《延禧攻略》嘅聶遠，原來以前嘅大台劇，乾隆呢個皇帝已經出現過好多次，演過呢個人物嘅演員就有劉德華、鄭少秋、古天樂同埋江華等，個個都係男神級，大家覺得邊個皇上最有霸氣呢？
劉德華Cap嚟見我
1985年嘅《皇上保重》，當時劉華只有24歲，不過已經好英氣。留意返，左邊劉青雲出沒注意！

個女仔係劉嘉玲，當時得20歲咋，青春無敵！
清朝啲皇帝邊有咁靚仔㗎！

佢飾演年輕時嘅乾隆，比較貼地。
一開口就話：「我呢⋯⋯係朕。」真係好搞笑。

江華有「真劉華」，當然有「偽劉華」江華啦！「Chok過劉華」嘅江華，喺1999年嘅《金玉滿堂》，都飾演過乾隆。
《金玉滿堂》嘅第一男主角係歐陽震華，飾演廚藝高手，不過江華都「老是常出現」，仲好有口福，享盡劇中嘅珍饈百味。

古天樂古仔嘅古裝片，大家近十年八載都剩係loop 2004年嘅《尋秦記》，同埋初出道小白臉時期嘅《神鵰俠侶》，其實係1997年嘅《乾隆大帝》，古天樂都做過乾隆皇。
「古仔版」嘅乾隆，比較有時代感。

同劇演員有何寶生同翁虹。
當時古仔 27歲，已告別小白臉，但又未去到《尋秦記》時期咁黑實有型，不過佢嘅「霸氣」已經開始成形，隔住個mon都感受到！

鄭少秋而家秋官最為人所記得嘅，除咗《大時代》入面嘅丁蟹，就係佢首膠歌《香港料理》，其實秋官年輕時拍咗好多古裝劇，1976年嘅《書劍恩仇錄》，佢飾演奸嘅乾隆，係好多媽媽級同婆婆級心目中嘅經典。
眼神好有戲！真係好奸！

睇片
【大台寶藏】那些年 演過嘅乾隆！！
【大台寶藏】那些年 演過嘅乾隆！！個個都做皇帝，唔通個個都想做皇帝咩


[圖擷取自網路，如有疑問請私訊]