網民崩潰：我不相信！ TWICE學生相流出受質疑

近日，韓國網民爆出韓國超人氣女團TWICE嘅學生照，公開咗MOMO同Sana喺日本嘅高中畢業照。相片流出後，大批網民諗住一睹女神嘅兒時風采，點知睇完仲衰過冇睇。不少網友質疑：「真係同一個人？」網友唔敢相信自己一直追開嘅女神，細個都係普通人。
TWICE成員個個樣子甜美Cap嚟見我
韓國女團TWICE至今出道兩年，兩年前憑住一首「TT」迷倒無數人，喺YouTube嘅官方MV更有3億點擊率，成功喺芸芸眾生中彈出。無論是歌曲及樣子，都成為粉絲和網民嘅熱話。
「TT」MV超過3億點擊TT手勢加上扁嘴，真係想呵番唔少人都想知多啲「我女神」學生時代係咪已經如此清艷脫俗。點知近日真係有兩名日本成員MOMO同Sana嘅高中照流出。見到佢哋兩個嘅學生相，唔知大家點睇呢？
Sana學生相Sana近照MOMO同Sana高中嗰時，兩個都留平陰加上一把直長髮，睇落完全係日本學生樣。有網友話，佢哋兩個係冇變，只係冇咗Baby Fat，令到五官有少少唔同。
MOMO學生相MOMO近照女神個樣有冇差距就見人見智，但大致輪廓係差唔多嘅，最大改變都係把頭髮唔同。有網友認為「MOMO根本不是同一個人吧」，更指自己大受打擊。可能網友唔信佢哋嘅女神細個時候咁普通，先咁大反應。
事實再一次證明「髮型的重要性」，大咗剪個靚髮，靚咗幾多。
膠通消息來源：JYP Entertainment，momojype，twicesana
 


[圖擷取自網路，如有疑問請私訊]