呢個女星鏡頭前仆街　網民爆笑：已經唔係第一次咁

女星出event就會著到靚一靚，又長裙又高睜鞋，真係一個唔小心好易跌親。薛凱琪(Fiona)、張智霖(Chilam)、梁靖琪(Toby)、梁漢文與泰國變性人Poyd到西九龍出席網劇《蝕日風暴》造勢大會，輪到Fiona上台作自我介紹時，佢一個唔小心仆倒，仲企唔到起身，要身旁嘅Chilam、梁漢文同Toby扶佢至起到身，阿Fi事後講笑話懷疑有個人唔旺佢，因為幾次仆倒呢位仁兄都在場⋯
薛凱琪 仆到起唔到身Cap嚟見我
薛凱琪(Fiona)、張智霖(Chilam)、梁靖琪(Toby)、梁漢文與泰國變性人Poyd到西九龍出席網劇《蝕日風暴》造勢大會！
輪到Fiona上台作自我介紹時，佢一個唔小心仆倒，仲企唔到起身，要身旁嘅Chilam、梁漢文同Toby扶佢至起到身。Toby穿短裙唔方便烏身扶佢，索性跪低扶Fiona，超nice！

睇真啲，Fiona對厚底粗踭涼鞋，成5、6吋高，唔仆就假！ Fiona起番身後失控狂笑，而其他藝人一樣笑都收唔到掣！查實Fiona都唔係首次喺公開活動仆倒，因為不少前科，佢被封為「跌倒女王」！
阿Fi覺得好笑但又勁尷尬，佢笑話：「我要睇番邊個Kick我！」到同場的梁漢文講嘢時扮佢跌低，Chilam就笑話現場有「跌倒結界」！

之後Fiona與Toby接受訪問，Fiona自揭非首次跌低：「我上次喺黃偉文演唱會跌到飛鞋，梁漢文都在場，佢同蘇永康幫我執鞋，我懷疑梁漢文唔係好旺我！其實跌低時唔尷尬，係起唔番身先至最尷尬，Chilam同Toby用唔同角度扶我。」

 
 
 
講返套劇先！Toby話劇中同Fiona好多動作場口，二人打到飛起，仲笑話：「邊有人戴錶打交，打到我波咁腫咗出嚟。（個波腫？）隻手腫到個波咁！」Fiona又話同Chilam有大量「跑戲」，記者問佢跑步有否跌低？Toby笑言：「佢通常係行路先仆低！」

唔講唔知，原來Toby同Fiona早喺入行前已認識，好玩得埋，所以拍攝期間經常被投於太嘈吵。
Cap by：東方新地


[圖擷取自網路，如有疑問請私訊]