馮盈盈王卓淇傳不和　‘‘佢帶埋阿媽同工人返工’’

「粗口港姐」馮盈盈不嬲出名有嗰句講嗰句，係一個比較率直嘅藝人。不過近日有指佢批評同劇演員王卓淇，不滿王卓淇帶一堆人開工拍劇。

Cap嚟見我
佢地一個係2016年港姐冠軍，一個係2014年港姐亞軍，本是同根生。喺新劇《果欄中的江湖大嫂》中有唔少對手戲，劇中佢地相處融洽，不過現實就啱啱相反，有傳佢地其實唔妥對方。

全因王卓淇本身係富二代，經常喺拍劇期間炫富，身上嘅衫、手袋同飾物都係名牌。平時同阿媽shopping都算，開工個陣都帶埋阿媽同工人做跟班，擺晒架子咁。
馮盈盈早前直接提到︰「有場戲，真係佢（王卓淇）媽咪帶咗工人嚟探班又幫手。」但爆完佢又驚，嘗試兜返︰「不過佢當日情況特殊，真係好需要人幫。」

但喺之後嘅活動上佢地刻意迴避大家，甚至影相個陣，馮盈盈索性拉江嘉敏企中間，隔開王卓淇，佢地全程零交流，睇黎真係唔妥大家。


[圖擷取自網路，如有疑問請私訊]