袁偉豪《Yes》校草選舉照曝光　網民：個樣真係好趕客

袁偉豪喺《棟仁的時光》中飾演嘅棟仁自細異於常人，要靠錫錫嚟續命，好慘情！其實唔經唔覺佢已經入行21年，而喺TVB都捱咗十多年，至成功坐正做男一，仲被封男神，之不過睇番那些年嘅男神，原來曾經參加校草選舉，嗰個樣真係好趕客，不得不講句仔大十八變！
袁偉豪 入行21年Cap嚟見我
想當年，有「維他奶仔」之稱嘅袁偉豪參選香港先生大熱勝出。2007年當選之後，拍過好多唔同嘅電視劇，可惜大部分都係啲二打六角色。磨練咗八年，今年終於成功突破，唔同嘅角色全部都得到萬千觀眾嘅支持。
袁偉豪飾演的棟仁，猜想上天認為他浪費了太多時間欲收回，於是寫下了他死前要做的事，及改變自己頹廢的生活方式。曾棟仁是個營營役役的打工仔，每天的時間彷彿被工作偷光，就在他罕有能準時放工的一天，竟因為趕回家而差點猝死。打工仔曾棟仁為趕回家而差點猝死，幸得休班救護員程敏琦替其人工呼吸，才撿回一命，二人自此結下不解之緣。而袁偉豪早年《城寨英雄》嘅段迎風(牙佬)，睇得又打得，仲不時爆肌益觀眾，男神之名當之無愧！
袁偉豪另一啲角色，如較早前《鐵馬戰車》入面嘅施馬Sir，以及《EU超時任務》嘅郭尚正都相當突出，努力係一定有回報的！
EU超時任務袁偉豪 那些年校草真身回帶睇番97年，當時得15歲嘅袁偉豪喺新法書院就讀，當年佢參加咗《YES!》雜誌嘅校花校草選舉，之前佢就喺IG自爆陳年相，一睇真係不得了！見到佢一身黑色鬆身戰衣、三七分界、輕輕托腮加埋迷人嘅眼神….  連佢自己都忍唔住留言︰「人哋話女大十八變！男其實咪係一樣」其實亮點又豈止袁偉豪，其實佢當年其他對手，小編都覺得好有「特色」…

有校草當然都有校花，袁偉豪旁邊嗰位就係當屆校花冠軍，見到兩人身穿校服擺個乖乖甫士，真係想唱番句「同學各位 找個位 這是你的開學禮…」唔知呢位那些年校花依家做緊咩呢？係咪一樣咁靚呢？

袁偉豪於1998年曾演出維他奶廣告與簽約力圖唱片，故他於參選港男時，一直被報刊傳媒稱呼為「維他奶仔」。
試問人誰無過… 過去個過呀！最緊要係紀念曾經這麼青春過嘛！睇完毒J版本袁偉豪，不如睇番佢嘅型仔相啦～
 
再嚟啲爆肌相！請大家準備紙巾抹鼻血！
  

又靚仔又有實力又有肌肉又專一，咁嘅男人喺邊到搵啊？諗諗下，其實當年嘅評判真係好有眼光！
膠通消息來源：東方新地


[圖擷取自網路，如有疑問請私訊]