湯怡新戲清純學生look　真正學生舊照原來係咁嘅樣

近排係考DSE嘅時候，見到呢班後生仔，就諗返起自己中學嘅時候。出到嚟做野先發覺，學生時期嘅自己係最開心，最輕鬆。有時真係想返翻去中學嗰陣時，同班朋友打下波，吹下水，享受下簡單清純嘅幸福。唔知你地套校服仲喺唔喺度呢？如果仲喺度嘅話，不如學湯怡咁，搵返件校服出嚟，重溫喺中學嘅時光啦！

Cap嚟見我
話說近排湯怡專登搵返件中學校服出嚟著，仲著住做街頭訪問，真係好有青春嘅感覺，完全零違和感！唔講唔知，原來湯怡就快30歲，仲可以keep得咁好，話佢18歲都有人信！

為咗個街訪，湯怡專登著返自己套校服，回憶下青春，主要都係問下大家喺讀書嗰陣有冇追求者或追人地。其實大家嘅重點都唔係個街訪，反而係湯怡個清純校服Look吸引住……
雖然依家嘅佢著住校服真係好清純，好有鄰家女孩嘅感覺。但一睇佢中學時期嘅學生相就…….

但唔緊要！邊個冇不堪回首嘅過去！每個人都有蛻變嘅時候，係咪？
覺得呢個短短嘅街訪滿足唔到你，唔緊要~事關今年湯怡首度擔正電影《某日某月》嘅女主角，講關於1992年嘅青春愛情故事~


呢個校服look一樣咁青春，睇到都有初戀嘅感覺！
其實湯怡大大話晒都入咗行12年，可能大家對佢嘅認識都唔係好深，原來佢喺06年參加過《美女廚房》，當時就已經俾人叫佢做「少女黎姿」，唔知大家覺得似唔似呢？

最熟悉嘅係其實佢係洪卓立嘅女朋友，兩人都拍咗11年拖！
希望以後大家對湯怡嘅認識唔再係洪卓立嘅女朋友，而係出色嘅演員，拍多啲好戲俾大家睇~



[圖擷取自網路，如有疑問請私訊]