【有片】蔡少芬普通話freestyle　‘‘大家聽得明開心咪得囉’’

要香港人學普通話，話易唔易，話難唔難。但要學好「煲冬瓜」真係唔易，聽到啲明星講啲唔鹹唔淡嘅普通話，真係笑到有腹肌，以下呢三位港普嘅佼佼者，你又聽得明幾多句？
Cap嚟見我
三大港普代表1. 蔡少芬自從蔡少芬演咗套《甄嬛傳》後，娘娘嘅形象深得內地網民歡迎，娘娘前，娘娘後咁。佢近年頻頻上內地揾錢，無論電視劇定綜藝節目，總會見到佢嘅身影。

近排佢嘅新戲《海上嫁女記》喺內地熱播，仲大玩freestyle，一邊開車，一邊show出港普rap，瞬間喺微博爆紅！不如你地聽下明唔明佢講咩。


普通話唔叻唔緊要，最緊要有自信！你睇下蔡少芬，普通話講到一舊舊，但人地挑戰難度，rap住講，仲話自己普通話一啲都唔差。
其實無論講得好唔好都唔緊要，最緊要係有人接受，有人鍾意就得啦~就好似蔡少芬咁講：「人家聽懂就行了嘛，為什麼每一個捲舌音都必須捲舌。」

就連周杰倫都諗緊佢講啲咩…….
3. 古天樂講到港普界經典之中嘅經典，真係非古天樂莫屬。佢可以講係港普界嘅開創者，完全係殿堂級嘅級別，想挑戰佢，真下要練好啲先啦~

相信冇人唔知呢個廣告，渣渣輝都要行埋一邊！
好彩呢條片有字幕，如果唔係……

雖然普通話講得唔好，但唔重要！話晒人地都係金像獎影帝，實力同顏值都有返咁上下，以後都係拍啲好戲俾我地睇啦。
「煲冬瓜」？都係唔好啦……
唔知大家有冇發覺，張家輝同古天樂都係影帝，其實係咪影帝嘅港普實力都十分出眾呢？

但當「渣渣輝」遇上「能太能」，影帝級嘅較量又會係點呢？



[圖擷取自網路，如有疑問請私訊]