《死侍2》搵碧咸宣傳　宣傳片好睇過《復仇者聯盟》

賴恩雷諾士（Ryan Reynolds）嚟緊個套超級英雄電影《死侍2》（Deadpool 2）呢排就推出強勢宣傳，下星期死侍就喺香港上演啦！玩得咁抵死嘅死侍今次就搵左碧咸同佢一齊玩。兩個大型男到底會點玩宣傳？死侍點出招，咸爺又點接招，大家一齊睇下死侍同咸爺點互動！
死侍串到碧咸面黑晒Cap嚟見我
死侍合作宣傳系列集集抵死，宣傳片都好《復仇者聯盟3》死侍同咸爺今次呢套宣傳短片就真係好過癮，一開波就睇到碧咸睇緊上一集死侍，大家都知啦，死侍把口臭到無人有咁，成日一開口就得罪晒所有人。
咁啱碧咸就睇到死侍佢串緊自己，就話：有冇聽過碧咸講嘢？
佢好似吞咗成罐氦氣咁。咁咸爺咁型，又真係同把「雞仔聲」唔係幾match，咁死侍咁玩法，會唔會玩出火架。
死侍就好似女朋友咁send message畀碧咸道歉。死侍不停轉換方法，但都唔掂！死侍激到咸爺爆seed無錯，咸爺真係好嬲，死侍就不斷咁send message向佢say sorry啦。但係點會咁易原諒死侍呀。咁死侍就帶住一大堆禮物，牛奶同餅上門，但係咸爺就請佢食閉門羹。
咁死侍又試下帶住一堆汽球，吸埋氦氣變聲去搵咸爺，咁仲洗問嘅，一定唔work啦！佢之後就再出動一大班樂手唱冧歌，但係都搞唔掂。咁死侍最後就送上兩張意大利對荷蘭世界盃門票，碧咸先無佢咁好氣咁原諒咗死侍。
最後死侍用左兩張世界盃飛嚟收賣，結果成功。死侍最絕招就係世界盃飛 死侍仲拍埋爛片《綠燈俠》同《衰鬼刑警》，就係唔拍《復仇者聯盟3》碧咸就冇怪過死侍笑佢雞仔聲嘅，反而話死侍最應該道歉嘅係佢拍過嘅《綠燈俠》（Green Lantern）同《衰鬼刑警》（R. I. P. D.）。今次死侍都真係啞口無言啦。
死侍 x 咸爺宣傳片段
網友表示《死侍2》比《復仇者聯盟3》更好睇。死侍 Cable同《復仇者聯盟3 》Thanos係同一個人？ 唔講唔知，其實今次marvel個大亂局都有可能係死侍喺幕後操作。飾演今次死侍入面Cable嘅Josh Brolin，佢仲有喺《復仇者聯盟3：無限之戰》入面做Thanos，唔知係邊個嘅idea呢，相信死侍真係走唔出呢個陰謀？死侍2今次將Marvel Studios同20 Century Fox兩個系列作品拉埋一齊都認真抵死好玩啦，符合晒死侍作風！
死侍 Cable係同復仇者聯盟3 Thanos同一個人死侍再之前同Celine Dion合作拍宣傳片？ 《死侍2》就一定唔夠《復仇者聯盟3》咁疊馬啦。但死侍宣傳手法就真係有過之而無不及。死侍真係無完結嘅一刻！大家真係唔好低估死侍嘅抵死程度！佢地之前出個個主題曲MV，死侍真係拋晒個身出嚟宣傳，大放笑彈！請相信你地嘅眼睛，真係Celine Dion同死侍同台演出，相映成趣㗎都！
死侍2劇照，就嚟上映啦！大家要留意呀！ 網民大讚死侍跳舞好索 Celine Dion一開始就喺個大劇院入面唱歌，不過唔夠30秒成個MV死侍就開始嚟料啦！死侍Deadpool著住佢個死鬼緊身衣咁擺個慘慘樣出嚟，之後仲著住高踭鞋認真咁跳舞。之後係點？我地去片睇下死侍幾痴線！
延伸閱讀復仇者聯盟3：復仇者 3 海報擺烏龍　巴打：係唔係無鷹眼？不斷更新！散場必讀！《復仇者聯盟3》劇透、彩蛋、死亡名單、Captain Marvel 續集上映時序 FAQ 大合集！


[圖擷取自網路，如有疑問請私訊]