[有片]又係上綜藝節目出事　網民：呢條女真係柒出國際

地球人都阻止唔到Angelababy又發功了！藝人每次見人都要打扮得光鮮亮麗，外在美100分，咁內在美又值幾多分呢？常言道手字寫得靚，俾人感覺係有文化又有內涵，加埋樣靚，真係冇得輸！咁靚女寫嘅字係咪會靚啲呢？唔直接答你，用Angelababy嘅真跡答你！早前Baby參與湖南衛視嘅真人騒《嚮往的生活2》，體驗山林生活，挑戰各種野外生存技巧，例如落田摘菜、劈柴等等，幾難嘅任務都俾佢過到關，順利完成節目，點知臨尾節目邀請嘉賓們寫低心聲，並公開各人嘅親筆信，咁就瀨嘢了！
 
Cap嚟見我




親筆墨寶一出，即刻露晒底！估唔到Baby靚靚女女，手字竟然歪歪斜斜，好似打10號風球咁！內容雖然引用咗唐朝詩人王建嘅《雨過山村》詩句，但唔知係咪因為手字實在太「霸氣」，變得一點美感都冇！網民都恥笑話好似小學雞罰抄咁，又帶點外國人寫中文嘅味道……咁人哋話晒都都「混血」㗎嘛！

同人唔同命，台灣藝人吳映潔（鬼鬼）嘅字整齊得嚟又幾cute，充滿少女味，深得網民讚賞

Baby柒出電視框嘅事件又何止一單呢？之前就因為喺節目中大開金口唱歌，世人都被其震撼魔音嚇呆了！

睇片
膠通消息來源：東森新聞


[圖擷取自網路，如有疑問請私訊]