大隻仔男歌手身體差到咁　夏天熱辣辣仲着件厚褸

唔少男歌手都要keep住個body，得閒操下肌，咁先吸引到班忠實女粉絲㗎嘛，不過睇嚟呢個男歌手好似潺咗啲喎，大熱天時竟然着厚褸，真係見到都覺得熱。
巨聲幫出身嘅羅孝勇（Sheldon），為咗參加西洋拳賽積極備戰，真係落足心機操到行，睇下真係爆晒肌㗎！不過你以為佢咁大隻，就好大力身體好好，原來佢潺仔勇嚟炸。
Cap嚟見我

Sheldon早前去西環，着住件望落有啲厚嘅外套，大佬啊成30幾度，隔住個mon都覺得熱，但睇佢個樣好似覺得唔熱喎！可能係想型啲姐，fashion呢啲嘢真係識條鐵咩！


歌手胡鴻鈞最近憑《降魔的》「石敢當」一角人氣急升，主題曲〈到此一遊〉又唱到街知巷聞，正所謂人紅自然是非多，大家都知胡鴻鈞近年愈來愈有韓星feel，塊面由方包變V煞，「削骨還父」傳聞真係無人不知！呢日胡鴻鈞就post咗張小六學生相，究竟同依家分別大唔大呢？胡鴻鈞2010年於《超級巨聲2》奪得亞軍入行，向來賣歌喉唔賣樣嘅佢歌藝有冇進步就唔知，不過個樣就肯定唔同晒！先睇睇以前嘅佢，塊面方包咁方，同依家真係好大分別！


胡鴻鈞由2010年嘅1.0方形面，進化到今時今日嘅V煞面 ，被網民戲稱「削骨還父」，同哪吒一樣咁孝順！不過佢接受傳媒時，就多次否認自己曾整形！
呢日胡鴻鈞就喺IG晒出一張小學六年級學生相，並留言：「先生，你是誰呀？​」相中嘅胡鴻鈞戴住眼鏡，不過都睇得出有少少面尖尖，同大個之後嘅方包面唔太似，可以話係仔大18變！同時有網友力撐佢冇整容，話一睇就知個腮骨係純天然咁話。

Cap by：東網on.cc、東方新地


[圖擷取自網路，如有疑問請私訊]