認當年摑曾江係造假　謝賢表示：TBB叫我咁做

謝賢(四哥)出席鮑魚宴時，同場仲有前妻狄波拉、鬍鬚Kong同胡楓(修哥)等。被問到會唔會有旅遊節目搵佢做果陣，謝賢(四哥)表示：「有人請我做乜都做！」點知問到依家會唔會嚴選對手(主持)、唔再《4個小生去旅行》有積怨而動手嘅曾江合作果陣？謝賢(四哥)突然大爆內幕…
嗰時係做戲嘅！Cap嚟見我
謝賢(四哥)表示：當年其實係夾定要打曾江，今時今日搞到被外界鬧，坦然自覺好陰功。

謝賢(四哥)表示：「痴線嘅！我哋依家唔知幾friend，嗰時係做戲嘅！」
謝賢(四哥)仲表示胡楓(修哥)雖然被打甩眼鏡，但其實係佢自己做出黎，更表示佢好好戲，係老戲骨，好戲過在場嘅人！謝賢(四哥)更表示自己係TVB叫佢咁做，被TVB擺上枱，不過打人一巴攞晒彩，仲好過癮！

只係後尾個個指住謝賢(四哥)鬧就唔過癮！
謝賢(四哥)仲爆出係因為做宣傳，「搵咗我地四寶笨幾衰呀！」謝賢(四哥)表示係謝老四先咁蠢，原來本身係想搵胡楓做，不過對方係度「姨姨啊啊」咁，先自己做。

想當年《4個小生去旅行》記者會上謝賢(四哥)怒摑曾江，修哥勸交時更被打飛眼鏡。當時謝賢(四哥)表示到俄羅斯拍攝期間，曾江以痛風為由，一拍完立即坐上輪椅並要求工作人員推輪椅。「X！果陣無理由叫人由早推佢推到晚啫，仲要俾佢喝！」
謝賢(四哥)表示一路忍住曾江無出聲。心諗：「真係痛風又點會有日拍煮嘢食，突然又可以企足兩個鐘又唔痛！」

當時謝賢(四哥)愈講愈嬲，覺得入行60年首次受辱，得知曾江表示等謝賢(四哥)電話道歉果陣，謝賢(四哥)一口拒絕表示：「叫佢等我入棺材嗰日啦！」
謝賢(四哥)仲表示：「打佢好出奇咩？佢真係打得少啊！，不可一世，拍嘢果陣已經忍夠佢」

Er..咁謝賢(四哥)你都幾好戲啫，呃咗大家咁多年～原來係做大龍鳳！


[圖擷取自網路，如有疑問請私訊]