六四事件29週年　重溫17歲好Pure好True嘅翠如BB點講

今年係六四29週年，一眾網民對於當日好多撐學生嘅演藝人，今日的我打倒昨日的我，為咗利益今日投靠強國，都忍唔住想講粗口！
當年有邊個參加《民主歌聲獻中華》嘅活動？例如有成龍同汪明荃等，今日都已經身任強國要職！
Cap嚟見我

而今日網上又瘋傳一條1999年黃翠如17歲時接受《鏗鏘集——青春萬歲》訪問時嘅片段，翠如BB當年已經好有清晰思維，除咗提到自己的夢想係演舞台劇(大家而家睇佢做戲就知佢好戲啦！)，更提到六四一事：「自己國家嘅軍隊，將自己國家未來嘅棟樑一個一個殺死」

之後仲大家對當時教育嘅睇法：「所有家長都覺得，課外活動係唔使理嘅，即係，我哋平時課外活動同分數冇關，理嚟做乜啫？好似我哋依家排戲，可能有啲堂上唔到，家長就會好擔心，好自然就會話：你咁樣點追得番啲成績呢？」

「你俾我再讀多一科，係講戲劇嘅，我更加有興趣，更加俾心機去讀。但呢啲係課外0架嘛，唔會有呢啲嘢嚟讀。香港教育制度係要培養一啲，幫香港社會做得好好嘅人，但另一方面就係要我哋，撇除咗自己嘅夢想。」

「學生要考好成績，一定要死守制度，呢啲方程式。你要讀得好，你就要死背書。考會考嗰陣，你唔明嘅嘢都要係咁背，其實唔係好明自己其實學咗啲乜嘢。」

「我想大學時係選讀生物系嘅，但我諗，讀完生物系之後我可以做乜呢？香港政府又唔支持生物研究，我阿Sir成日講，讀完research出嚟，將來生活一定好苦，得唔到大家嘅認同嘅時候，大家都唔敢去做。」

「我哋每個人係背咗啲嘢，想攞好成績而背，係唔理我哋究竟鍾唔鍾意呢一科，有冇興趣，我哋唔理0架。」

各位家長，聽到14年前的學生怎麼說嗎？14年前的你可能仍是學生，有同一樣的心聲，但現在已為人父母、會否也不自覺地，由受壓者變成施壓者呢？
2013年：自己回帶惹風波不過2013年時，翠如bb已經入咗娛樂圈，佢再次發表六四感言，今次就同19年前唔同：「長大了想法不同了」、「因為我唔記得咗那一年嘅我係咁」，被一眾巴打認為佢變咗，要褫奪bb稱號！不過翠如bb都有講：「人冇得後悔架。」，仲話「自己係誠實面對那一年嘅自己。」
2013年5月尾，黃翠如的「長大了想法不同了」Status，令年覺得變咗，後來她澄清：「我只係覺得，一個人長大咗，你嘅睇法、信念，所有嘢用口講，只係口號。我選擇放喺心裡面，對自己誠實。」黃翠如在同年仍然有分享自己16歲時的訪問，並表示：「多次自豪的告訴別人，我的第一次出鏡機會是在鼎鼎大名的『鏗鏘集』。」重溫當年好pure好true嘅翠如bb


[圖擷取自網路，如有疑問請私訊]