林子善婚前情慾錄音主角曝光　「Ｌ小姐」真身原來係…

林子善被爆料指佢同Kary（現任老婆）結婚前仲去食女，情慾對話更被上載。唔單止上晒大床，完事後仲聞對方殘餘氣味！今日就大爆「L小姐」疑似係前晶女郎林莉嫻。
早前突然流出林子善婚前與「Ｌ小姐」嘅情慾錄音，雖然林子善就拒絕透露「Ｌ小姐」身份，但有指「Ｌ小姐」疑似係前晶女郎林莉嫻（Leslie）。43吋長腿嘅Leslie身材火辣，而佢哋合演電影《鴨王2》時譜出短暫情緣。
Cap嚟見我


未睇之前發生咩事可以睇埋下面！
原來當時林子善鍾意咗位「Ｌ小姐」，不過對方就掛晒貞節牌坊，講到明勢死唔做小三，點知林子善即刻就撇咗Kary (現任老婆)。
等到「攞正牌」之後，林子善就起勢追「Ｌ小姐」，仲係咁發出情慾短訊俾「Ｌ小姐」。

據指，林子善為咗事業避開傳媒，要求「Ｌ小姐」出街前後腳，不過「Ｌ小姐」就表明要「光明正大」，於是林子善就帶「Ｌ小姐」見自己班兄弟。
其中一次聚會，鄭嘉穎曾大大聲咁稱呼「Ｌ小姐」做阿嫂！嘩，呢個大佬認真唔話得～

大佬講嘢，班細緊係照跟啦，自此班兄弟就學鄭嘉穎咁叫「Ｌ小姐」做阿嫂。
打入圈子，成為「正印」之後，林子善就要求「Ｌ小姐」同居，仲將屋企鎖匙交埋俾「Ｌ小姐」。

林子善：「你咪搬啲嘢上黎用，牙刷啊果啲都要買，有時上黎 Hea 一Hea ，你唔買我都買俾你。」
情慾錄音流出網上流傳疑似係林子善同「Ｌ小姐」嘅情慾錄音流出，當中內容包括「我咪係床上面聞緊你殘餘嘅氣味囉。」


林子善偷食情慾對話流出
Posted by O咀新聞台 on Wednesday, 30 May 2018
不過，呢段情慾關係好快就完結！據指果時林子善相處後認為大家性格不合，於是狠飛「Ｌ小姐」，仲叫佢嗱嗱臨執包袱走。哦～原來係＿！咁用完即棄都係好正常～

後黎林子善就同Kary復合仲結埋婚。

如果無人爆料，睇怕大家都以為林子善夠「環保」！

呢獲真係仲差過偽毒坤哥啊，可恥！
林子善本人就對「Ｌ小姐」一事直認不諱，更稱Kary亦一早知道「Ｌ小姐」嘅存在。林子善表示兩人結婚前兩個月，呢位「Ｌ小姐」透過 Facebook 將情慾對話內容Send 俾Kary，所以佢今次對話流出並唔意外。

林子善又表示當時自己係單身，單身拍拖好正常，並唔係偷食。
而兩人拍拖個幾月就分手最主要嘅原因係佢太掛住Kary！

林子善表示佢同Kary嘅關係唔會因為咁而變差，亦都唔打算公開「Ｌ小姐」身份，因為對方亦係圈中人，而且仲未嫁人。相信呢啲資訊都足夠巴打們起「Ｌ小姐」底！



[圖擷取自網路，如有疑問請私訊]