慰問袁偉豪竟然打啲咁嘅嘢　呢個TBB女星攞景定贈慶？

:0:0

仲記唔記得Rest in piece同I am very thank them呢，香港藝人成日打錯字都唔係新鮮事架喇，今次嘅主角就係岑麗香，英文了得嘅香香公主打錯嘅並唔係英文，而係emoji啊，場面認真尷尬⋯⋯
是咁的，呢幾日都一直有新聞報導話袁偉豪爸爸患癌，病情反反覆覆，每況越下，最終不敵病魔，於昨日離世，R.I.P。作為孝子嘅袁偉豪就係IG Post左爸爸生前同自己嘅合照，並留言話會照顧媽媽，「樹欲靜而風不止，子欲養而親不在，爸爸永遠懷念您！」，圈中唔少好友都有留言表示慰問。
Cap嚟見我

靚湯同潮文豪都有留言關心！不過留言關心好友既同時，香香公主就唔小心打錯左笑喊emoji，好似有啲唔尊重喎。

不過睇嚟其實香香公主應該係想打喊喊emoji唔小心打左笑喊姐，相信袁偉豪唔會介意既。
同場加映：藝人錯字集其實又邊止係香香公主打錯字啊，最經典一定莫過於Stephy既I am very thank them，近年亦都有偽毒坤既Wi-Fi變左做wife，偽毒可恥～
1.鄧麗欣

仲記得當年Stephy出席活動時講左句「I am very thanks them」，嚇到鼻哥窿無肉，一直比人笑到而加，之後書展佢亦都以「才女」身份出書，不過似乎錯字方面就仲未有改善，比人搵到全書有成109個錯字，認真經典！

以為佢錯字事件就咁完結，錯喇！仲有#mypenisblue啊，有網友就將My pen is blue呢句forever friends入面既歌詞解讀成My penis blue⋯⋯
2.連詩雅喺國際學校讀書既連詩雅以為佢英文唔差？傻豬黎既，佢啊曾經兩次將Peace同Piece弄亂啊，可能口講係幾好既，不過寫就一定唔係喇！

不過正所謂知錯能改，善莫大焉，好彩連詩雅都識即刻罰抄，希望佢唔係再再再再重覆犯錯啦。

3.吳業坤偽毒坤不嬲都好活躍於Facebook同IG，食好西呢句說話其實就係出自佢把口！

除左要食好西之外，佢仲曾經大食到訂左兩個wife！「我訂左兩隻wife係機場拎，但我上左機先記得。解決方案： A: 九秒九狗衝出登機大堂拎（九點半飛） B: 叫朋友同機場職員講送入黎我 C: 唔上網」，將Wi-Fi寫成wife，即刻比網友窒話「2個wife咁多？去澳洲再識多2個wife啦」、「請問點樣先訂到wife？仲可以訂兩隻。果然鍾意食好西」！