《Deadpool 2》片尾4個彩蛋唔睇走寶　一口氣串爆狼人同殺咗。。。

《Deadpool 2》一上畫，fans們就梗係狗衝去睇，套戲雖然比起第一集差咗少少，不過都真心OK嘅，飾演主角死侍嘅萊恩雷諾斯（Ryan Reynolds）真係好鬼臭串，又玩X教授張輪椅，又串Thanos返去復仇者，仲串埋自己添！真係睇佢串咀都值回票價！入場嘅朋友，識睇一定係睇埋片尾幾隻彩蛋先走啦！
未睇慎入！Cap嚟見我

彩蛋一：NegaSonic同Surge修改時空穿越機《Deadpool 2》玩咗一條《變種特攻:未來同盟戰》嘅時空穿越橋，重點在於Cable機堡有隻可以穿越時空嘅手錶！片尾出演員名後，NegaSonic（Brianna Hildebrand）同Surge（忽那汐里飾演）偷咗Cable機堡隻錶，偷偷修改到令死侍回到過去拯救佢畢生最愛凡妮莎！


彩蛋二：再救路人甲大叔PeterRob Delaney飾演嘅大叔Peter，一個完全無能力嘅凡人加入死侍團隊，劇中只出現了一小段就死咗，死侍覺得虧欠他，所以彩蛋救返佢。
 
彩蛋三：狼人現身Hugh Jackman出現，堅嘅！佢以2009年《變種特攻：狼人外傳》嘅畫面重現客串呢一幕！Ryan Reynolds一直話自己好討厭當年嗰個無口講嘢嘅死侍，今集彩蛋死侍終於返去，殺死呢個唔係佢演嘅死侍！


彩蛋四：殺死2011年的Ryan Reynolds因為2011年Ryan Reynolds接咗套《綠燈俠》！大家有睇過就會明，套戲當年口碑同票房都真係差到一個點！Ryan Reynolds差啲因為套戲一沉不起！所以彩蛋死侍向當時仲睇緊劇本嘅Ryan Reynolds開咗一槍！


提多大家一句，《死侍2》嘅片尾彩蛋就係咁多，未出晒字幕已經播完，小編睇嗰場大把人等到尾，發現無野就X晒鬼！如果你想聽埋首歌，都可以乖乖繼續坐嘅！
識睇一定睇埋《Deadpool 2》X-Force成員漫畫對比圖 


[圖擷取自網路，如有疑問請私訊]