前華姐冠軍微博高調示愛　原來未婚有咗..

女神封盤喇！最近有傳呢個前華姐冠軍有咗，到底係咩一回事？前華姐葉璇自從15年公開宣布戀上小默先生，就不時喺微博放閃。雖然舊年同男友鬧分手，但又俾人影到兩人一同於情人節遊三亞，仲摸patpat，認真撲朔迷離！不過，近日女神又再次喺微博高調示愛，仲同網友表示：「已經都有啦！」
前國際中華小姐冠軍葉璇啱啱就喺微博高調示愛，寫話「當一個男人巴不得一天24小時都陪在你身邊，一會兒不見就如隔三秋，你大概能知道，他是真的深愛你 。感恩從不坐地鐵卻陪坐地鐵滴（的）帥鍋（哥）」，恨死隔離果個咩！
Cap嚟見我
肥仔黎表示都想有人一齊同自己逼地鐵啊～而這些機會⋯⋯唔通個背影就係BB嘅爸爸？相信女神著起婚紗一定會仲靚！認真隔住個mon都覺得sweet啊，唔少網民都表示好羨慕，向女神送上祝福。但肥仔黎就發現，有網民留言問女神幾時會步入人生另一個階段，「親愛噠～你甚麼都有了，不想試試進入人生另一個階段，結婚生小孩嗎？試試從來沒有過的體驗～」，勢估唔到葉璇BB竟然有回應喎！一齊睇下佢點答！

哇！今次仲唔係暗示自己有咗？！葉璇回應網民話：「已經都有啦」，仲要加埋心心符號，有唔少網民都推測佢暗示自己好事近，仲有可能雙囍臨門添喎！一眾巴打睇嚟又少咗個機會喇！
網友紛紛送上祝福！粉絲：「寶寶其實另有其人！」熟悉葉璇既粉絲就話網民都唔了解女神為人，按照正常嘅套路，女神一直都有養開狗仔，睇嚟寶寶應該係指緊佢隻狗仔啊！

不過用爸爸、媽媽嚟相稱，睇黎女神都已經認定男朋友係狗仔嘅爸爸，不過係咪真係有咗就等葉璇親自交代啦，都祝福佢搵到一個愛自己嘅人，希望會長長久久啦！


[圖擷取自網路，如有疑問請私訊]