洛基本應喺《雷神索爾2》就永不超生　本尊自曝復活原因！？

:0:0

Marvel《復仇者聯盟3：無限之戰》（Avengers：Infinity War）暫時係本地最賣座電影第9位。《復聯3》主要演員如「美國隊長」基斯伊雲斯（Chris Evans）、「雷神」基斯咸士禾夫（Chris Hemsworth）、「奇異博士」班尼迪甘巴貝治（Benedict Cumberbatch），同埋「洛基」（Loki）湯希丹斯頓（Tom Hiddleston）都係好多絲打們嘅男神。

Cap嚟見我

要數宇宙級筍盤，一定係「洛基」湯希丹斯頓。學歷高、知識豐富，而且劍橋畢業，重點係佢仲未封盤，堪稱宇宙級筍盤！

37歲嘅湯希丹斯頓，1981年2月9日喺倫敦西敏市（City of Westminster）出生，家中排第二，上有姐姐、下有妹妹。7歲嗰陣，舉家搬去牛津大學附近嘅Cotswold village住。

湯希丹斯頓嘅父親James Hiddleston係物理與化學家，曾任製藥公司嘅常務董事。母親Diana Patricia，則曾任舞台監督跟藝術行政主任。
雖然佢不算豪門出身，但都係中產以上。

湯希丹斯頓小學就讀牛津龍小學（Dragon School,Oxford），中學喺貴族名校伊頓公學（Eton College）寄宿。眾所周知，伊頓公學係英國王室、政經精英嘅搖籃，所以佢同威廉王子（Prince William）係校友。大學則喺劍橋彭布羅克學院（Pembroke College, Cambridge）修讀古典文學。

有說他選大學嗰陣，喺劍橋與牛津之間選咗前者，因為喺佢約12歲嗰陣，父母離婚，為咗唔洗煩惱跟爸爸定跟媽媽生活，於是選離父母家較遠嘅劍橋大學。
劍橋畢業後，他喺皇家戲劇藝術學院（Royal Academy of Dramatic Art，RADA）進修，於2005年畢業。

資優生嘅湯希丹斯頓，早前同演員上MTV News宣傳《復仇者聯盟3：無限之戰》時，主持考眾人有關片中部分外星生物、咒語等艱澀英文字嘅拼寫，大多演員都答唔到，但難唔到湯希丹斯頓，而且大多數演員都講唔齊6顆能量寶石嘅名字，只有湯希丹斯頓可完全講出。
此外，他極具語言天份，識得意大利語、古希臘語、德語、法語、西班牙語，過往他都曾喺海外電影宣傳上用外語接受訪問。

戲劇根底厚嘅佢，未進軍影壇前已經係舞台上耀眼嘅演員，熱愛演莎士比亞劇作，因此獲得同樣係莎翁迷 -《雷神奇俠》導演Kenneth Branagh嘅賞識。本來試鏡爭逐「雷神」嘅佢，結果安排演雷神弟弟Loki。
Loki嫉妒兄長雷神受父親寵愛，因而處處作對，演變成邪神，但骨子裡卻又唔係壞透。呢種複雜嘅心路歷程，令他成為Marvel電影中最令人難忘嘅反派。