富二代男友被恥笑似金正恩 女歌手:我覺得佢好靚喎!

JW王灝兒日前喺IG晒自己嘅畫作,男友Tarzan葉韋彤都貼咗自己正在欣賞女友畫作嘅相出嚟,相中嘅佢全神貫注望住幅畫,個背影都幾chok,不過網民就將焦點放咗喺佢個新髮型,有人驚覺同北韓領袖金正恩勁似,再加埋身型,100% match!JW日前出席活動時被問及男人被笑似金正恩,佢話男友髮型好靚,一啲都唔似金大將軍喎!
Cap嚟見我
JW日前喺網上晒畫作。

估唔到佢畫畫有板有眼。

佢話自己只鍾意畫卡通只,所以唔會搵男友做model。

JW嘅畫作——小丑魚。

JW男友Tarzan chok到盡去去欣賞幅畫,點知被笑背影似金正恩。

大家都擁有肥仔身型,仲有「起角」髮型,加埋副眼鏡,勁似!

Tarzan葉韋彤係卓悅太子爺。

JW不時陪男友Tarzan入馬場拉頭馬。

膠通消息來源:Instagram、網上圖片
睇埋呢度
富貴男友送一百有找嘅花 JW:全世界最好的花束噚日2月14日情人節,各位男士都各出奇謀,施展渾身解數氹女朋友開心!其中JW (王灝兒)嘅「12億太子爺」富貴男友Tarzan(葉韋彤)創意十足,大家估下Tarzan親手整咗啲咩送畀JW?
一般嚟講,情人節嘅時候,男朋友通常係會送玫瑰花,不過JW嘅富貴男友Tarzan就唔同啦!今日JW喺Instagram分享咗一束由Tarzan親手整嘅「麥樂雞花」,JW冧爆:「I think he gave me the best bouquet in the world!(我覺得佢送咗一紮全世界最好嘅花束畀我)」,似乎超級超級鍾意喎!

而Tarzan見女友咁鍾意自己嘅禮物,亦都有喺Instagram同朋友分享自己嘅大作,仲話:「100蚊有找!」嘩!今次真係講心唔講金啦!禮物唔使貴,最緊要係心意啊嘛…… 如果你係富二代,又有12億身家嘅話。冇嘅話都係安安份份買番紮紅玫瑰畀女友啦~


其實唔止JW收過麥樂雞禮物㗎!組合Super Girls 成員 Cheronna上年生日嘅時候,男友黃奕晨都親手整咗麥樂雞蛋糕畀佢,氹得Cheronna幾開心!
 
膠通消息來源:Instagram


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁