【西澳】連Serrini都去!西澳究竟有幾夢幻?西澳州懶人包,一文睇哂西澳四大必到圓夢打卡位!

早排Serrini同fans一齊去玩西澳州,究竟西澳有幾夢幻?
西澳同香港位於同一個時區,機程比其他澳洲城市短,一樣有好豐富嘅自然景觀值得一去,唔少仲係好夢幻㗎㖭!小編即帶你睇四大西澳必去圓夢打卡位:
Checkpoint 1:羅特尼斯島(Rottnest Island)
Quokka(短尾矮袋鼠)可愛嘅笑容,溶化咗唔少人嘅心,更獲得「世界上最快樂的動物」美譽,連雷神、狼人等國際巨星,都爭相同佢打卡!亦因為Quokka嘅巨大名氣,連帶其主要聚居地羅特尼斯島,都成為西澳著名旅遊點,每日都有唔少遊客專程上島搵Quokka!Quokka蹤跡可以話係遍佈全島,要同佢哋合照打卡真係好易,但切記法律規定係唔可以觸碰佢哋㗎!
羅特尼斯島除Quokka外,仲有超過60個水清沙幼嘅沙灘,可以影相打卡玩水之餘,仲可以玩埋SUP直立板同埋浮潛㖭!如果你愛好刺激,可以選擇玩skydiving,於萬尺高空欣賞小島美景,從另一個角度都欣賞呢個美麗嘅小島~去到Rottnest Island,仲可以上到豪華海鮮遊輪Rottnest Cruises,享用由私人廚師烹製的由當地食材和新鮮海鮮烹製的七道菜餐單及優質飲料,主菜用到可持續發展的海鮮Western Rock Lobster,更可以自己落手參與撈龍蝦,美景配美食,爽!

Checkpoint 2:粉紅湖(Hutt Lagoon)
粉紅色嘅嘢,一直都係熱門打卡對象;如果成個湖都係粉紅色嘅話,咁真係非去不可啦!距離珀斯約5個半鐘車程嘅Hutt Lagoon,正正就係令唔少人少女心大爆發嘅著名夢幻大型粉紅湖,連上年再度推新歌嘅周董都專程去拍攝MV,可見佢魅力超班!
但點解佢係粉紅色呢?原來係因為湖中的鹽分濃度高,比海水仲要高,特別適合杜氏鹽藻生長,而佢會產生大量胡蘿蔔素,就將湖水變成粉紅色啦~
大家可以選擇跟團或自駕到湖邊影相,想有更好拍攝效果更可以選擇落湖影!夠budget嘅話,不妨搭小型飛機飛上高空,欣賞成個粉紅湖深淺不一的奇觀!

擷取自周杰倫《粉色海洋》MV
Checkpoint 3:寧格魯珊瑚礁國家公園(Ningaloo Reef National Park)
鯨魚同鯊魚大家都識啦,咁鯨鯊你又識唔識呢?原來佢係最大的魚類,世界上唔少水域都可以搵到佢哋嘅蹤影,而當中西澳就係世上少量允許同佢哋一齊暢泳嘅地方,早排連kol林細朗都突登遠赴西澳體驗!
西澳著名的寧格魯珊瑚礁國家公園,就係其中一個「與鯨鯊同游」的主要地點,國家公園擁有世上唯一靠近陸地的大型珊瑚礁,有西澳大堡礁之稱,亦因為吸引唔少海洋生物聚居,包括野生鯨鯊,所以成功見到佢哋嘅機率都唔低,可以圓夢!留意返寧格魯珊瑚礁國家公園鄰近Exmouth,距離珀斯較遠,大家可以選擇自駕一路road trip咁玩上去Exmouth,之後搭內陸機返珀斯,又或者直接選擇由珀斯乘搭內陸機往返~

擷取自IG @lamsailong

Checkpoint 4:尖峰石陣觀星(Stargazing at Pinnacles)
長期住喺香港呢個光污染咁嚴重嘅地方,想觀星都有點難度!距珀斯不足3小時車程嘅尖峰石陣,擁有類似月球般的地貌,沙漠上有幾千座大大小小嘅尖頂石灰岩,好似去咗另一個星球咁,令人不禁感歎大自然嘅鬼匠神工。
除咗感受尖峰石陣嘅奇特地貌外,喺當地觀星都係一大重要活動!尖峰石陣遠離城市,周圍都冇乜人住,自然可以睇到滿佈星星嘅燦爛星空,天氣好時更有機會以肉眼睇到銀河,簡直係夢中先有嘅景色!絕對係西澳必到打卡位!

睇到心動想去?新加坡航空即日起至3月31日就有限時優惠,經新加坡轉機飛珀斯來回連稅最平只係HK$4,211起,平過直航!新加坡航空多次被選為世界最佳航空,可以呢口價享用到新航高質服務真係抵玩!睇啱就要去馬啦!
【預訂日期】即日起 至 3月31日
【預訂網址】https://bit.ly/424K97H
【出發日期】8月21至9月21;11月1至12月14日(視乎供應)
(覺得抵可Whatsapp同LINE Share俾朋友)
【西澳】連Serrini都去!西澳究竟有幾夢幻?西澳州懶人包,一文睇哂西澳四大必到圓夢打卡位!


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁