【人渣周永恒】32B Ruby進駐阿Yu大床 三更半夜「撞擊」嘈生晒

「怪聲」，包括音樂聲，同離奇「撞擊」聲，都真係幾煩。如果你鄰居係周永恒同32B新歡Ruby(劉依靜)，仲煩上加煩。

失蹤一段時間、自認「人渣」兼哭求老婆阿Yu趙頌茹原諒嘅周永恒，呢頭喊晒認錯嗰頭又登門嚇阿Yu，並以WhatsApp恐嚇會殺死妻女及自殺，事後他被 落案控以涉嫌刑事恐嚇罪。案件押後至本月19日再度聆訊，周永恒獲准以二萬元現金保釋，但就要遵守不可間接或直接騷擾證人，每星期兩次到天水圍警署報到。

咁依家周永恒點呢？今日有周刊報道，話佢依家住喺之前同阿Yu嘅家——天水圍嘉湖山莊，但同佢一齊住嘅，當然已經唔係阿Yu，而係Ruby。

報道話，Ruby依家已經登堂入室做埋間屋嘅女主人，兼夾瞓埋阿Yu以前張大床，正式入主。雖然同阿Yu未辦好離婚手續，但周永恒已不避嫌同Ruby出雙入對，經常俾街坊見到兩人走廊親熱，有時深夜時份傳出碰撞聲，加上又飲埋酒，碰撞聲加嘈聲更加擾人清夢。

有鄰居投訴話，有晚12點，聽到男嘅大嗌，仲係咆哮嗰種，跟住個女仔，即係疑似Ruby，就發出撞門聲……不過冇人目擊，唔知發生咩事。

鄰居又話，就連管理處都冇佢哋符，三日唔埋兩日就有人向佢哋投訴話周永恒屋企太嘈，垃圾袋又周圍丟，明明垃圾筒就喺旁邊，鄰居就話兩人偏偏放喺附近，仲唔綁實個袋，餸頭餸尾臭到冤。




佢真係渣中之渣, 2個賤人


[圖擷取自網路，如有疑問請私訊]