【香港好去處】走入大埔密密食 10個好介紹

sponsored 大家唔好以為新界區只有荃灣、元朗呢啲地方先有好嘢食，其實喺另一邊嘅大埔都一樣好多嘢。最近小編就跟大埔嘅朋友去搵食，地膽推介得嘅實無「伏」啦！咁以後入大埔，就唔好凈係識去踏單車同燒烤場喇！出發嚕～1. 電影取景餐廳 必食名物講起大埔，大家一定會諗起好hit 嘅《紅van》 取景餐廳同埋故事主角食嘅蘋果批。蘋果批固然係必食名物啦，外皮香脆鬆化，餡又足料。地膽朋友話，其實呢度嘅雞批同焗豬扒飯都好好味，所以食飯時間都好滿架！sponsored 圖片來源：dessert_sweeties @IG；Chan Mui E @FB；Antony Mui @FB華輝餐廳地址：大埔鄉事會坊17號地舖2. 唔駛出九龍都食到美味足料煲仔飯一話食煲仔飯，好多人都會諗起廟街或者香港島，唔通新界真係無人識煮煲仔飯？當然唔係啦！嚟大埔就食到喇！呢度嘅煲仔飯好足料，飯焦金黃色，食落又香又脆，肉汁同油分又滲咗入飯粒，正到令人好感動！豉油係甜嘅，最難得係自家製，所以記得要試！地膽仲話嗰度嘅腸粉都好出名，即叫即拉，超新鮮。啲皮又夠薄，好似透明咁，唔怪得有「玻璃腸粉」呢個大名！sponsored 圖片來源：tuisik @IG；thelittlechilipadi @IG陳漢記地址：大埔運頭街91B地下3. 衝出大埔 一隻炸髀走天下從來都無諗過，喺香港賣炸雞髀都可以賣到開分店。唔好以為小編亂講，呢個喺幾星期前已經成為咗事實。呢間喺大埔賣小食嘅小店，雞髀係生炸，大大隻，成隻素掌咁大，即叫即炸，外皮炸到金黃香脆，咬落去卜卜聲，雞肉嫩滑又多汁，難怪每晚都唔少人排隊去買，仲開埋分店去元朗。除咗生炸雞髀，原來呢度嘅炒腸粉都好受歡迎。炒腸粉有香辣肉碎同豉油肉碎2種，醬料分布平均，食得辣嘅可以揀香辣肉料，因為辣醬係獨家秘製，食起嚟又夠曬惹味！sponsored 圖片來源：「九十後」食在北區 @FB；kamikoliu @Openrice三多小食地址：大埔北盛街29號瑞安樓地下4. 隱世味道 重新面世多年前，大埔有家出名嘅麵店叫「和暢」，但後來結業，唔少人都覺得可惜。怎料地膽今次介紹這家叫「暢和」嘅店，兩者有關係嗎？去暢和，一定唔可以唔試佢嘅醉雞！呢度最特別嘅係「醉雞河粉」，醉雞用咗花雕酒浸，酒香味好濃，雞肉亦夠厚，入口嫩滑；可以配河粉都幾特別，河粉煮得啱啱好，又無爛，入口滑溜溜。同食其他麵相比，感覺好唔同，夠特別。sponsored 圖片來源：Jennylui @Ctrip暢和麵家地址：大埔寶湖道3號寶湖花園商場二樓222B號舖5. 三十年不變 美味依然招牌有「魚蛋」兩字，招牌一定係魚蛋！呢度啲魚蛋自家製，每日都買魚起肉攪碎，經過多個工序同時間，先可以整到一粒粒魚味濃縮又彈牙嘅魚蛋。唔講唔知，原來除咗魚蛋，墨魚丸同雲吞都係自製，難怪每個人食完都大讚，阿媽會帶埋阿仔去食，搬走咗嘅都會專程去買魚蛋呢。sponsored 圖片來源：Foot2food @IG廣成魚蛋粉地址：大埔廣福邨廣惠樓側冬菇亭3號6. 新界「群記牛腩」代表唔知點解，柴灣同灣仔嘅群記，都係以「牛腩」作招徠。無獨有偶，大埔呢間日日排長龍食牛腩嘅麵店又係叫「群記」。唔通「群記」同「牛」係有特別關係？唔理佢哋有無關係，對大家嚟講，最緊要係好味。呢間群記雖然規矩多多，不過食物質素有保證，老闆會因為牛肉唔夠靚而休息。牛腩嘅湯底每日用至少30斤牛骨去煲過夜，每一口湯盡是精華。牛腩有唔同部位可揀，爽腩、坑腩、蝴蝶腩、連極少有嘅牛面珠同牛鞭都有，真係好難得。難怪牛腩界有流傳住「中環有九記，大埔有群記」呢句名言。sponsored 圖片來源：delicioussoul @IG群記清湯腩地址：大埔墟大明里26號地下7. 冬菇亭大排檔 分店開到去北京？講你都唔信，喺香港隱世到分店都無開嘅冬菇亭大排檔，竟然喺北京搵到其蹤影？嘉華咖啡小食呢度嘅鹽焗雞飯真係引死人，望到張相已經口水直流。雞肉煮得啱啱好，入口嫩滑，雞皮又爽；味道有沙薑嘅鹹香，加上係炒飯底，真係唔食唔得喇！而呢度嘅奶茶都值得試，茶同奶比例恰當，飲落香滑，之後茶味餘韻悠長，是水準之作！sponsored 圖片來源：imafoodlovah @IG嘉華咖啡小食地址：大埔廣福村廣崇樓側熟食亭5號8. 街市冰室都有一口多士食平時要喺西餐廳先食到嘅粒粒多士，竟然喺呢間藏身於大埔寶湖道街市嘅一間冰室都可以食到！呢個多士唔係普通多士，而係「一口多士」！一口多士有3款口味，分別為蜜糖、花生奶醬同埋杏仁朱古力。多士約2吋厚，麵包切粒之後再烘，之後逐粒疊起先上碟。多士烤得金黃，就連承托嘅麵包邊都烘得香脆！淋喺面嘅朱古力醬混入咗牛奶同奶油，一啖一粒，外脆內軟又香口，連飲品套餐都只係廿幾蚊！唔係唔食嘛？酥炸魷魚鬚餐都好吸引！sponsored 珞桐冰室地址：大埔寶湖道3號寶湖道街市P2舖更多介紹：冰室一口多士 驚現街市！9. 網上著名食評家兼地膽力推 大埔最好食西多士西多士係唔少香港人嘅下午茶嘅選擇，嚟到大埔，就梗係要去試下網上著名食評家兼地膽都力推嘅西多士啦。據講呢度嘅西多士整之前吸滿蛋汁，之後就慢火煎15分鐘到金黃色，上碟之後，就切為9格，一口一粒，真係好貼心。你可以按個人喜好配糖漿或煉奶食，如果你想食，就記得早啲去喇，有時未到3點就已經賣曬！sponsored 圖片來源：himmy_food @IG李記咖啡奶茶地址：大埔鄉事會街8號大埔墟街市及熟食中心2樓CFS33舖10. 馳名超厚炸豬扒上海麵雖然豬扒喺港人口中有貶義，但係當講起「炸豬扒」嘅時候，唔少人都會流口水，尤其係見到呢間上海麵店嘅炸豬扒。大埔街市嘅炸豬扒好出名，因為唔止大塊，又夠厚；每塒由人手揼鬆，再沾上炸漿，落鑊即叫即炸。外皮炸至金黃鬆脆，食落味道好，有口感之餘又多汁！真係食到停唔到口！炸雞翼都受唔少客人歡迎！圖片來源：Siu King Kin @FB熟食中心嘅另一個角落，你會再次見到炸豬扒上海麵嘅蹤跡。一啲都唔出奇，因為東記同世記其實係兄弟檔，東記係哥哥主理，而世記就由弟弟主理，兩店賣嘅麵不盡相同，但味道或有些微分別，因此各有支持者。圖片來源：Leung FunnyFunny @FB世記上海麵店地址：大埔鄉事會街8號大埔墟街市及熟食中心2樓CSF38舖東記上海麵地址：大埔鄉事會街8號大埔墟街市及熟食中心2樓CSF27舖大埔又點止10間美食丫？不過時間有限，地膽帶住小編就行住咁多間先啦。不過，小編出發之前，就做咗資料搜集，知道以下呢間麵店係好嘢！私人醒多你一間啦！私心推介 70年歷史嘅雲吞老麵店係咪無諗過有間可能老過阿媽嘅雲吞麵店呢？呢間麵店之可以一直站住陣腳，一定有佢嘅實力。呢度最出名嘅就係雲吞麵，雲吞同麵兩者都做得好。唔單止自製雲吞皮，仲用鴨蛋自製麵條，真係夠曬誠意！雲吞嘅餡仲有獨家黃金比例，豬肉三分肥七分瘦就最完美，再包埋生猛爽滑嘅淡水蝦入去，真係無敵！圖片來源：eatndrink @IG平記麵家大埔鄉事會街8號大埔墟街市及熟食中心2樓


[圖擷取自網路，如有疑問請私訊]