撩拍廣告 怕冇錢收 李麗珍李若彤唱衰「前夫」！! 原來佢哋早已經....

TVB中女劇《女人俱樂部》大結局，雖然收視平均只得25點，卻帶挈劇中一班中女翻身，其中「朱莉」李麗珍同「小詩」李若彤亦受唔少o靚迷追捧，美魔女李麗珍仲吸咗班新少男客路。女神復活，當然多人打主意。李麗珍早前自爆離婚 14年的音樂人前夫許願，最近突然主動聯絡撩拍美容廣告，不過珍妹有 job都唔敢接，怕冇錢收一於拒拍；點知許願唔死心，轉搵李若彤落疊，但好姊妹齊心企硬唔接，更向傳媒爆料唱衰前夫。 48歲李麗珍對記者說：「我哋（與李若彤）同一陣線嘛！」 至於o靚版「朱莉」王敏奕亦受家事困擾， 22歲女要養起全家，有冇請教嚇珍姐姐先？一套中女劇令全城勾起 80年代集體回憶，懷緬過去之餘亦忽然關注劇中幾個上一代女神， 47歲李若彤自揭曾患抑鬱症， 43歲張慧儀又要獨力湊病兒，見報率極高。
48歲李麗珍戲裏戲外都 keep得唔錯，做做嚇訪問仲突然對記者嗲爆話：「哎吔，唔好影咁多啦，我今日咁丑，喊咗兩日呀！」珍妹話因「小詩」老公鄭丹瑞在劇中俾車撞死，令佢好傷心瞓唔著喎！咁都得？
李麗珍同李若彤相識多年，「小龍女」為咗好姊妹，有 job都唔接，夠曬義氣，之前啲不和傳聞好假囉！「都唔知收唔收到錢！」
中女劇口碑好但收視麻麻，三個美魔女都要密密宣傳谷盡結局篇收視。至於性.感女神李麗珍當然唔執輸，上周宣傳劇集時，突然向傳媒自爆同前夫轇轕，「許生搵我傾個美容廣告，我真系驚到發噩夢，隨便敷衍佢就算，都唔知收唔收到錢！咁多年佢一直冇俾贍養費，告過佢一次，個女就嚟 18歲，冇得追啦！佢唔負責任就算，幾多錢冇得計，希望佢手下留情唔好再煩我！」句句插到應，珍妹周日（ 25日）繼續炮轟前夫，「我同佢好耐冇聯絡，今次搵我拍廣告應該系商業決定啦！我冇接拍，本身自己有 agent，傳來傳去，我唔想搞到太複雜，所以佢最後搵咗李若彤。（李若彤有冇接？）冇冇冇！我哋同一陣線嘛！」囡囡黐許願 有錢都唔賺，全因珍妹同前夫關係極惡劣。兩人 96年結婚， 97年生了女兒許倚榕，可惜 00年離婚兼反面收場，女兒撫養權歸珍妹。除了珍妹所講，多年來未收過一毫子贍養費外，兩人亦曾因錢銀轇轕隔空對罵。 02年許願涉放料指珍妹爭佢 3萬卡數，嬲爆珍妹於是發火反擊，搵律師追討對方千萬，有傳早年許願炒燶股票同生意失敗，要珍妹賣樓套現代夫還債，但許願否認曾向前妻借錢，事件最後不了了之。一夜夫妻最終反面收場，不過女兒始終姓許，點都鍾意黐實爸爸，連珍妹都承認倚榕唔太接受自己有其他男伴，包括潘源良，「反叛期系比較難，??家 17歲已經好少少，前幾年系唔接受?！」為個女着想，珍妹點都要同前夫多多溝通喇！
許願同珍妹結婚 1年就生了囡囡倚榕，當年一家三口非常幸福。《忽然1周》圖片
珍妹月前被影到同囡囡行街買衫，兩人似姊妹多過似母女！
愈大愈似珍妹的倚榕，雖然跟媽媽住，但同爸爸許願感情好好，兩人在 fb都經常有交流。
17歲曬長腿現年17歲的許倚榕（Annise），一直由李麗珍及外婆照顧，直至去年往加拿大升學才獨立。倚榕不時在 facebook上載生活照大騷長腿，愈大愈靚的她冇攬仔夜蒲相，好乖女！
經歷過離婚，同 Jacky Ma的淫亂 3P醜聞，珍妹現時同潘源良半同居，感情穩定。講錢失感情 現時在北京長駐的許願，早前在 fb上載與快將 51歲的 80年代女神柏安妮合照，據知許願近年黐住內地土豪搵食，算有嘢撈。林憶蓮87年與許願合作兼拍拖，期間憶蓮由華納轉投華星，有傳許願私自將約 1,200萬轉會費用作投資火鍋店及開新製作公司，憶蓮知道後立即提出分手。陳豪曾是陳豪經理人的許願，因拖欠對方近百萬薪金，而被陳豪採取法律行動追討，更提早 1年（ 2003）解約，結束 7年合作關係，陳豪現已貴為一線中生。陳小春有傳許願拖欠小春 7位數薪金，雖然小春冇追究，不過 00年唔肯同許願續約，轉投中國星，更暗示曾被拖糧好肉痛。
想在手機閱讀更多娛樂新聞資訊？
下載【GigCasa 激趣網】手機應用Android版 iPhone版


[圖擷取自網路，如有疑問請私訊]