殯儀有得讀～！！殯儀業出招高薪吸新血，知規矩守禁忌。問你夠唔夠膽試入行？？？

月薪可達三萬元 香港殯儀學院總監陳偉城昨稱，目前殯儀業從業員僅得一萬人，四十歲或以下的從業員流失率高。根據統計處數據，八十歲或以上男性及八十五歲或以上女性，於一八年料上升至二十八萬人，估計需聘請多一倍人，才能應付未來數年需要，通脹高企及人手短缺亦間接令殯儀業服務費用增加，平均每五年約加價兩成，估計公營骨灰龕位連殯儀服務將由去年約四萬五千元，至一八年上升至約五萬四千元。

他期望，政府可於學校的職業導向講座介紹殯儀業，減少年輕人對行業的抗拒感，殯儀學院近月舉辦文憑課程，已有一百人報讀，完成後可獲轉介成為殯儀喪禮殯儀喪禮，以每月平均接獲十宗生意計算，月薪可達三萬元，至於遺體化妝師，每宗生意可獲八百至一千元薪金。

殯儀課程實習生 Kuma讓同學了解課程， Kuma更會真人穿上壽衣示範， Ruby（左）直言：「最緊要抱住尊重嘅心，唔好當玩玩嚇，咁就百無禁忌。」Main Camp 殯儀都有得讀～實習禮儀師狂煲遺體相壯膽 入得殯儀館不會有好事發生，人人避之則吉，連帶殯儀業工作都成為厭惡性行業，正常人都不會想入行。殯儀行業叫人生畏，讀完社工副學士課程的梁紫再（ Kuma），不再進修相關課程，更放棄安定社工輔導邊青，毅然轉讀殯儀課程，立志在殯儀界大展拳腳，以大師兄身份分享經歷， Kuma坦白說：「我唔係膽生毛，不過一年咁多社工畢業，幾時先輪到我搵到工？惟有撈偏門（殯儀工作）啦！」26歲的 Kuma前年完成社工副學士，一心打算做社工服務社會，豈料走上職場，才發現與理想相距甚遠，「喺香港做社工好多規限，唔一定幫到人，而且一年咁多社工畢業生，競爭太大，如要成為註冊社工，先要向政府借十幾萬交學費，但畢業後又未必一定搵到工，上年咁啱俾我見到有殯儀課程，覺得都係幫人，而且偏門競爭少得多，肯搏幾年都會有兩至三萬，而且唔愁冇生意，覺得有得發圍就膽粗粗報名！」 


殯儀業近年開始漸漸開放與發展
自拍悼念片經過一年靈堂工作， Kuma去年以陳奕迅的〈最後派對〉做背景音樂加生活照製成 MV，作為紀念自己的短片，放於屋企的電腦，方便家人隨時攞，可在死後於靈堂播出。


骨灰樓上堂除了在課室上堂，導師會帶學生到香港各個墳場、骨灰龕和醫院殮房，甚至走出香港到內地了解各地殯儀文化和習俗。
學摺元寶殯儀課程涉不同內容，除一般程序，連摺金銀元寶都要學，原來金元寶都有多款摺法（小圖）。
開班授徒導師見 Kuma熱心，就給予機會 Kuma當上殯儀初級班的助教。 Kuma希望將殯儀知識推廣，令更多人了解殯儀真正一面，「我打算喺殯儀館做兩年，再去外地升學，回來再做殯儀導師！」

入學一年， Kuma除了喪禮程序、相關死亡法律、家教禮儀甚至摺金銀元寶及殯儀禁忌亦要學，（除咗喺課室上理論，我哋仲要去喪禮實習，最深刻第一次去喪禮幫手，為咗壯膽，前一晚我上網狂睇遺體相，但見到真遺體仍然嚇到我勁手震，結果俾導師鬧我好唔尊重嗰位先人，對方家人會覺得我好唔專業，經過半年，我先唔驚，亦明白我都係幫佢，百無禁忌，到宜家家，對生死已經睇化，人生必經階段，我都有為將來我嘅喪禮籌備，仲拍咗生前回憶錄放定上 YouTube，每年再更新一次，希望到時唔好煩到家人，唔知用咩相，短片內都係我一生最愛嘅生活相，到時親友見到會更了解我！」


生命禮儀代「殯儀」像 Kuma夠大膽兼家人不反對的例子不多，據 Kuma報讀的香港殯儀學會的創辦人 Ruby直認有一半學生放棄，「每個課程未到一半就有近五成同學放棄，當中主要因頂唔順要近距離接觸遺體，另外家人反對都佔大部分！」難得 Kuma做裝修的父親開通，讓兒子報讀殯儀，「佢（父親）成日問我攞筆記嚟睇，佢仲講笑話：『又輸馬，最衰都係你！』平日我盡量唔向其他人講我做殯儀，無謂令大家尷尬，好似之前朋友生日或過年，有唔熟親友問我做咩，我就會話係做生命禮儀，佢哋 get到咩就咩，我唔會再解釋！其實殯儀唔一定要喊住舉行，好似之前見過有喪禮請咗隊 band嚟唱歌，喪禮都可以正面面對！」


激罕女殯儀師：衣櫃只有黑衫

Zaia未讀殯儀課程前，最愛著鮮色衫兼行山，為入行，連興趣都放棄埋。現讀殯儀二級課程的徐寶華（ Zaia），今年 19歲，前年中五畢業後開始修讀課程，是少數報讀的女生，更立志成為本地撿骨師。 隨時出動

Zaia衣櫃清一色黑麻麻，她說：「會盡量揀唔同款式囉。」Zaia平時亦愛扮靚，但為入行卻放棄著靚衫。「因為無論上堂、入靈堂、見先人家屬都要著黑色衫以示尊重。而且呢一行無固定時間，一收到電話就要開工，根本冇時間返屋企換衫，所以宜家都好少著鮮色衫。其實要做撿骨師可以去台灣華南大學讀殯儀課程，我打算在香港讀完有關課程，再喺殯儀館做幾年先去台灣考牌，做正式撿骨師。」現單身的 Zaia亦直言不會為未來男友放棄殯儀工作：「我好想喺呢行長遠發展，做我的另一半都是接受我嘅工作先有一齊嘅機會。」 殯儀多避忌行有行規，殯儀工作就更加多禁忌，據 Ruby透露，他們都會堅守行規或禁忌，以示對先人尊重。與屍對話開工前必定會與遺體對話，內容大多是：「我哋係嚟幫你，有怪莫怪，希望你安息！」以便整個喪禮順利完成。禁食牛肉如果喪禮以道教形式舉行，一眾有關工作人員前一晚都不會食牛，因祖師爺老子是騎牛，禁牛以示對道教尊重。不准哀傷一眾工作人員在整個喪禮都不能表露任何傷感情緒，以免影響先人家屬。拜年免問如果在農曆年前約 10天有喪禮工作，大部分工作人員都不會去親友家拜年。 報讀須具工作經驗香港殯儀學院的課程結構跟一般大學課程類似，當中包括「殯儀學概論與歷史」、「喪服及喪物之認識」等理論課程，亦會有「模擬出殯」、「棺木配置實習」等課堂。課程設3個程度，分別有證書、高級證書及文憑課程，學費由9,800元至19,800元不等，每期學額40個。一般人只要完成中三並有兩年工作經驗，或18歲以上並有1年工作經驗，皆合資格報讀文憑課程。


[圖擷取自網路，如有疑問請私訊]