比我發現女友同公司同事上床,我哋plan 緊Christmas 去旅行,出年年頭買樓結婚。
![]()
sponsored我好愛我女友,一齊左七年,如果佢認錯又唔再犯嘅話我會原諒佢的。而家問題係我應唔應該爆佢大鑊,問佢點解咁做,定係假裝唔知,等到結完婚買完樓一切都會好起來?我真係唔想失去佢。教教我吧!好多謝各位師兄寶貴嘅意見首先呢個係真人真事,唔係作故仔。好多人話綠帽要中出即飛,其實我寧願佢只係一時貪玩以後唔再犯嘅話我哋以後都可以開開心心過日子,因為我真係好愛佢。因為這件事我第一次知道咩叫食龍肉都無味,亦唔想食野。我覺得佢唔係大家口中咁港女,同我一齊咁多年都無同其他男人flirt過或收過兵。我係無親眼睇住佢哋做,我係坐係自己部車度睇住佢哋部車,睇唔到入面發生緊咩事,但係故都故到係車震。我一直都唔肯定係我女友,直到佢喺部車出來。sponsored
![]()
我無當場捉佢姦,因為我當時實在唔係好信呢咃事竟然發生係我身上,又驚我地無彎轉,更驚行到去嬲得滯打瓜個男人。經過咁多位師兄嘅鼓勵,我鼓起勇氣同佢講我見到佢同個男人車震。佢開頭好驚訝,最尾都認左,仲話剩係試過兩次,兩次都無用套,情不自禁⋯⋯佢話佢仲中意我,但係又有哋中意佢同事,叫我比哋時間佢諗清楚。佢想要嘅係成日都可以陪係佢身邊,身材好fit 嘅男人,呢哋都係我比唔到佢嘅。我諗,五雷轟頂都應該差唔多係呢種感覺真係好多謝各位有心人嘅支持和鼓勵,我無同身邊嘅好友講起呢件事,身邊嘅朋友大家都識,我唔想哋朋友知道佢原來會做得出呢哋事。sponsored佢比我嘅答覆係佢唔會離開我住,佢會比半年時間我操fit返自己,亦都要處理好工作時間嘅問題,樓就照買,咁樣就可以有多哋時間陪佢。但係係呢段時間我唔可以阻止佢同個男同事見面,佢會分配好時間。如果半年後我都改變唔到嘅話佢就真係離開我。我知我真係比佢食往,但係真係好唔捨得佢離開我,如果無咗佢我會覺得人生好似白活一場咁,做人都好似無咩意義。同佢一齊後我無flirt過其他女人,亦無去club 或去 bar, 一心一意咁對佢,生活嘅重心就係佢,努力搵錢就係為咗佢將來生活好哋做個少奶奶,但係點解到所有野都差唔多都可以實現嘅時間發生哋咁嘅事?
![]()
sponsored睇了各位師兄師姐所有嘅回覆同pm,真係估唔到原來好多人有類似嘅經歷,好高興你哋走出咗人生嘅低谷,你哋真係好勇敢!未經歷過嘅希望你哋唔會經歷到,因為過程實在太幸苦,比死更難受。如果唔係多得呢到咁多有心人嘅開解,呢幾日真係可能涯唔住。經過咗呢幾曰嘅沉澱同各位嘅分析,我諗通咗少少。我話比我女友聽,如果佢覺得同個男同事一齊比我幸福嘅話,我係真係可以放手嘅,亦唔需要比時間我改變,我會祝福佢的。佢話唔好,佢話真係仲愛我,但係個男同事比到佢我比唔到嘅感覺。咁我問佢有咩感覺係我比唔到佢,佢話同我一齊感覺好舒服,好安心,個天跌落黎我都會幫佢頂住咁。但係個男同事比到佢嘅感覺係好似見到偶像咁,興奮、個心亂跳,好想個男同事嘅attention都放落佢到咁。佢話比啲時間佢諗清楚想。致於買樓,其實都係為我哋將來嘅家庭買嘅,佢選樓,我比錢我供,佢就做全職媽媽,我哋大家都好鐘意bb,亦都覺得揍b一定要自己揍,唔可以假手於人。咁佢話係呢段時間樓睇好就買。其實,將來原本係可以好幸福的。sponsored雖然有成二千幾個回覆,但係每一個我都有睇,有好多仲睇咗好多次。你哋好有心機咁不斷想叫醒我,為我好,要我為自己將來打算,我真係感激不盡!經過咁多日亦聽咗咁多位有心人嘅意見,我開始變返比較理智,用多咗個腦,用少咗個心去諗野。我係一個可以為愛付出好多嘅人,但係如果我哋倆個已經無咗愛嘅話,我應該放過佢、亦係比自己一條生路行。我打算話比佢聽,我接受唔到佢果d條件,愛係唔應該咁樣嘅,我會要佢同個男同事即刻一刀兩斷,如果唔係我哋就真係有��無份,亦都比自己一個最後死心嘅理由。我終於同佢傾咗我哋嘅情況,亦都問咗好多關於佢男同事嘅野。問得越多,我個心就越痛,痛到想吐血,好想將個心切咗出黎咁。但係其實咁可能係好事,我好似無咁愛佢咁,或者係哀大莫過於心死?好多師兄師姐估中咗,佢車震咗唔只兩次,係好多次。我之前亦都唔相信佢係貪我d錢,但係事實上錢起咗一個非常大嘅作用⋯⋯好聽d就叫好仔,唔好聽d就叫傻仔、水魚。我亦都好有理由相信果個男同事係一個玩家兼食家,但係點都好,我前女友係果段時間係好開心嘅。sponsored無錯,我已經當佢係前女友,我真係受唔到佢一而再,再而三咁做,每日不斷咁諗起呢件事,對住家人同事強顏歡笑,背後強忍悲傷。但係我仲係好唔捨得,唔捨得以前一齊嘅歡笑快樂,唔捨得我哋對大家嘅山盟海誓,點點滴滴,百般之味在心頭。可能係我對愛情太有憧景,就好似十幾年前嘅一套日劇"在世界中心呼喚愛"咁,令到我今日傷到粉身碎骨,喊到眼睙都流唔到出黎,乾到好痛,想盲咁。我最尾喊住咁同佢講,我真係剩係可以倍你到呢度。佢都喊,或者佢都唔捨得,佢提出可以做我嘅sp,我無答佢好或唔好,我唔單只無食慾,連性慾都無咗。
[圖擷取自網路,如有疑問請私訊]