我辛辛苦苦儲落既首期竟然咁樣一夜間冇哂，重俾人追債

sponsored 儲蓄首期「上車」對於打工仔而言，是個遙不可及的夢想。對於月入只有兩三萬的「打工仔」而言，只要生活穩定，可能已經足夠，更惶論上車。 郭天承，Alves，今年二十九歲。大學畢業已經七年的他在國際公證行Innerfund任職初級檢驗主任，月薪約三萬一千元。 這個看似天資過人的傢伙並沒有鴻圖大計，或者換個說法，他不敢有鴻圖大計，這與他的家庭背景有關。 郭天承的母親早在十四年前患上乳癌離世，遺下一對弟妹和家庭。自Alves大學畢業，正式投身社會後，他和任職物流貨車司機，月入僅僅一萬五千元的父親郭標一同支撐著家庭的開支。 弟弟郭正揚，Giroud現年才十六歲，就讀中五，兩年後便要面對中學文憑試的挑戰，學業開支的負擔自然不少。 妹妹郭正君，Cecilia比Giroud小一年。 面對如此家庭負擔，月入僅僅三萬的郭天承，豈敢心懷鴻圖大計。 莫說鴻圖大計，就連「上車」買樓也莫談莫問。 不過，後來因為一件突如其來的事情，使Alves敢於談論「上車」……sponsored 郭天承Alves今天如常上班。他從天水圍天耀耀康樓的居所出發。 Alves在天水圍西鐵站登車。 他每天早上七時正便會登上擠滿了上班族的列車。 每天站在車廂裡半熟睡的他頭不斷搖晃著。他不小心碰到別人是慣常事。 每當列車駛至美孚站時，他便會醒來，轉乘搭荃灣線前往荔枝角。 「下一站：荔枝角，下一站：荔枝角 (普通話)，Next Station: Lai Chi Kok.」 Alves下車，離開地鐵站，前往位於青山道二十二號的Innerfund上班。 「早晨啊！咁多位！」Alves和善地跟大家打招呼。 「Alves……你同我入一入黎。」禿頭上司Cox作手勢，示意Alves過來他那兒。 還未有同事跟自己打招呼，Alves已經被他的上司Cox召見。 在Cox的房間裡，精神不振的Alves坐下來，等候他前面的上司發言。 Alves凝望Cox，心知不妙。sponsored Cox將一份報告從丟到桌上。 「Alves，你自己睇下！」 Alves瞧了瞧Cox數眼，然後慢慢將桌上的一份報告拿起來看看。 「Alves啊，即係呢，唔係我想話你啊，問題係呢，你自己睇下……」Cox走近Alves，指著Alves雙手捏著的那份報告。 Alves瞟了瞟，吃了個大驚。 「嗱！你自己都嚇親呢？咁你明點解你一朝早返黎就要比我叫入黎喇？」 Cox此刻雙手抓緊Alves雙臂。 「Alves，雖然你重係Junior，但我從來都唔懷疑你……」 Cox放開Alves，再指著那份報告說。 「但你望下呢份Report！蠟燭Test係咪？點解冇影相嫁？枝蠟燭燒左幾耐又冇寫。」 「咪住先……」Alves打算為此事澄清，然而連珠爆發的Cox沒有給予Alves解釋的機會。sponsored 「你知唔知道因為冇影到枝蠟燭啲火係咩色，我地就會被人告，講緊係賠一百萬美金，係一百萬美金啊！你以為係賠個麥當勞包餐比人啊？」 Cox不希望驚動外面的同事，所以抑壓怒火，放輕聲線向Alves指出檢驗報告上的錯誤。 Alves想趁Cox停下來的時候插嘴，然而不果。 「其實呢……」Cox突然望著Alves。 sponsored Alves視線沒有焦點。 「哎……好喇好喇，我做阿Head既都唔知點解要咁！我去問Sears——外國百貨公司拎左多枝Sample番黎做Test喇！」 「咁……咁我出去做野先喇。」Alves終於有機會開口。 「都唔知點解淨係比一枝Sample人地做Test……」在Alves離開Cox的辦公房間時，Cox在自言自語。 Alves笑了笑，搖搖頭，然後開始工作的新一天。另一邊廂，郭正揚Giroud和郭正君Cecilia於七時五十五踏入校門。 剛剛升上中五的郭正揚踏入英皇書院校門半步，便看見前面的兩名同班同學。他於是從後趕上，跟他倆打招呼。 Giroud趕上前，鑽進兩人之間的間縫，搭著兩位同學的肩。 「喂！Johnny！Keith！尋晚有冇睇阿仙奴作客友賽？」Giroud笑意迎迎。 sponsored 「阿仙奴作客？嘩！夜晚三點幾我晨早訓左喇！」Johnny帶點囂張。 「咁Keith呢？」Giroud問下去。 「我呢，要補習要溫書，唔理得咁多喇！」Keith比較冷漠。 Giroud輕輕擠弄了眼眉一下子，然後返回課室。九時正，班主任利用班務會議的時間跟同學閑聊。 「你地好快就要去考DSE喇，搵左補習未啊？」班主任問眾同學。 當班主任在發問的時候，有兩位同學沒有留心，並悄悄地聊天。 班主任走近他們那兒，輕輕拍了拍其桌面。 班主任坐在桌上。 「搵左未啊？」 「Ms Lai，其實補習都要錢，真係要同屋企人講下先得……」「係囉！我自己又唔係十萬九千七未開頭！」「有時候真係要諗過度過。」 在班主任發問過後，同學們對補習這個話題紛紛議論。 sponsored Giroud的鄰座同學趙國笙跟他打開話匣子。 「計我話呢，我地要開源節流，你估補習平啊？一科四百幾蚊就平！夾埋咁多科黎補喎，我媽話兩科都嫌貴啊！」 「係喇，Giroud，你想點補？燈塔補中文，現代補英文，跟住呢？」 「不過你都唔洗諗呢啲野喇，你又年年第一，MBBS——內外全科醫學士你實考到。」 憂眉苦臉的Giroud沒有回應。他深知道自己根本沒有可能補習。妹妹Cecilia與哥哥Giroud的不同之處在於他倆就讀的中學的名氣。妹妹只是在沙田區一所普通中學唸書。 不過，她與Giroud的心境截然不同。她是快活族。 「喂！Ceci！今個暑假有冇做功課？」 Ceci在班主任課期間被鄰座同學Jo Jo問及暑期功課。 sponsored 「唉，唔怕同你講……」Ceci掩著嘴巴，生怕其他人聽見。 Jo Jo將耳朵靠近Ceci的嘴巴。 「啲功課有一半以上係靠二佬嫁……」Ceci忍笑不了。Jo Jo如是。 「你個八婆！竟然靠人……」 「係喎，你咪話諗住揀Nursing既，第時你考DSE冇難度喇，有個讀名校既大佬。」 「將來記得帶挈小妹我啊！」 Jo Jo話畢。Ceci傻笑了一下子。 「唔好傻喇！佢讀書叻又唔代表識教人既。我大佬份人啊都唔多識同人相處既。」 「係咩？總之將來介紹下喇！」Jo Jo咧起嘴角奸笑。 「唉，得喇得喇……不過話時話，你將來讀U想讀啲咩話？」Ceci一本正經地問。在子女上班和上學的同時，一家之主郭標與同僚駕駛著物流運輸貨車，朝著送貨目的地出發。 sponsored 期間，正在駕駛著貨車的郭標與同僚在閑聊。 「今日走埋呢轉就唔洗再去荃灣喇！」郭標輕快地說。 「你就想！有排你捱啊！」標叔的同僚昌仔揶揄郭標。 郭標扭開方向盤旁的傳呼機。 「喂！喂！PL2271今日要去荃灣幾多個倉？」 郭標等待了一會兒後，終於有人回應。 「PL2271去左荃新天地先，一點搭九前啊！」貨站召台職員的聲線夾雜雜聲。 「有排！依家先至一點鐘，長沙灣呢頭過去都唔洗半個鐘！」郭標自信滿滿說。 「喂！你個細仔細女點樣啊？要去考大學未啊？」昌仔問。 「個細仔話將來想做醫生喎！我就唔擔心佢既，我就覺得讀書係講名牌。」郭標邊駕駛邊說。 「做醫生咁把炮？第時我想射波個陣，搵你個仔去睇醫生，呃下假紙啊！」昌仔開玩笑。 sponsored 「唔係我唔想幫你啊！個衰仔邊有咁好死啊！」郭標抹了抹額前的汗水。 貨車停在紅燈前。「個仔如果讀到醫，其實做老豆既都開心既……」昌仔笑說。 「望就咁望喇！」郭標苦笑。 「個女呢？」昌仔問。 「個女啊？佢乖過個衰仔多多聲啊！雖然講讀書呢，就冇個衰仔咁叻；但識諗過個衰仔好多。」 「所以啲人都話生女易教好多，呢個係事實黎！」 貨車在綠燈亮起後繼續向前駛。 「係喎！你重有個大仔喎！佢依家點啊？好耐冇聽你講過。」昌仔好奇一問。 「佢？都就黎三十歲人喇！佢一直都想買層樓，等第時同佢女朋友結左婚之後一齊住既……」郭標有點感慨。 「不過你知喇，你話係香港買樓喎，下下都講緊萬蚊呎。喂！淨係講個首期啊，都幾十萬，成百萬。咁易咩……」 「呢……佢依家做緊間公證行，三萬蚊鬆啲一個月，但衣食住行又係錢，拍拖又係錢，一個月儲到一萬蚊都算偷笑喇……」 「重敢講上車喎？上火車就有份！」郭標說到此刻搖了搖頭。另一邊廂，Alves正在追究蠟燭測試報告的過失。 Alves走進測試房，找來之前跟他進行測試的同事。 「阿東，你過一過黎。」Alves打了個手勢。 同事阿東走到Alves身邊。Alves提著那份報告跟他理論。 為免讓其他正在進行測試的同事分心，他放輕聲浪跟阿東說話。 「你睇下你自己搞左啲咩出黎。」Alves說。 阿東感到疑惑，於是從Alves手上接過那份報告，仔細觀察。 「睇到喇可？」 「阿東啊……份Report係你把關嫁。你……你知唔知道冇左張相，冇寫到個時間，公司會比人告一百萬美金嫁？」 阿東一臉呆滯，不知所措。 「我拜託你喇，唔好成日都係做Test既時候分心好嗎？」 「我責任呢一Team人，我地Team出錯，我比阿Cox照肺，Fine，好正常。」 「但你要知道，呢啲係啲可避免既錯黎嫁，Okay？」 不敢作聲的阿東臉上帶著萬分的歉意。 「好喇好喇，你比心機做野。今日下午茶我請喇……」 「Sor……Sorry啊……」阿東終於道歉。 無辜背黑鍋的Alves嘆了口氣。下班的Alves帶同二十六歲的女友蔣家敏，June回到家裡。 「嗱！阿桂，今次呢就要睇下奧斯爾能唔能夠助攻到基奧特喇！不過都好睇基奧特做化既好多時……」 在Alves和June在大門脫去鞋子的時候，Giroud的房間裡傳來足球評述員分析的聲音。 「June，我幫你擺對鞋啊，你去客廳坐陣先。」 Alves替June將鞋子放妥鞋櫃裡後，走到Giroud的房間前，打開房門，窺探他在觀賞哪一場足球賽事。 「喂！阿仙奴點啊？你個基奧特有冇波入啊？」Alves臉帶笑容。 「哎！嚇死人咩，你識唔識敲門嫁？」Giroud回眸大哥Alves，臉帶不爽。 「Um……Sorry囉，咁你一陣出黎食飯喇……」Alves無奈地說。 Alves離開Giroud的房間，並替他輕輕關上房門。 Giroud把頭回到電腦熒幕前。 Alves伸個懶腰，打開趟門走進廚房裡，打算幫忙正在炒菜的父親。 「老豆，你等我黎喇，你揸左成日車都攰喇……黎喇，比個鍋鏟我。」Alves將手伸到郭標前。 「唏！唔洗喇，你同阿June係廳到吹下水喇，呢啲野等老豆黎喇……」「喂，係喎，老豆，黎緊房署免兩個月租喎！」Alves沒有理會父親的說話，留在廚房替父切雞肉塊。 「今日收工返黎個陣係樓下收到房署封信喇……喂，阿承，你拎啲雞過黎啊！」郭標說。 Alves將雞塊以一個小盤子盛起，再將其遞予父親。父親接過。 殊！！！！ 雞塊令油鍋響起壯烈的聲音來。 「喂！阿承，都免兩個月租囉，你唔洗比咁多家用喇……」 「唏……我頂得住喎，你唔洗擔心我啊！」Alves邊洗菜邊說。 「阿承，有咩唔怕開心見誠講……你依家係咪重儲緊首期？」郭標停下來回眸Alves，神色變得凝重 。 Alves因為父親這樣一問而停下來。 他想了一陣子。 「我……我邊有諗過儲咩首期啊！依家閒閒地都八九十萬啊……冇喇……」Alves以苦笑回應父親。 Alves繼續洗菜。 郭標將爐火扭停，放下鍋鏟，再走到趟門前，將趟門微微拉開，窺探在客廳收看資料節目的June。 郭標拉上趟門，回頭凝視Alves，並嘆了一聲。 「你都就黎三十歲人，唔通唔為下你地既將來打算咩？」郭標說。 Alves放下手腳，收起了剛才的苦笑。 「阿June佢都廿六歲囉，唔通又冇諗過結婚咩？」郭標說下去。 「爸啊……」Alves不想父親繼續說下去。在共晉晚餐的時候，大家有不同的話題。 前程，夢想，無一不談。 「June，其實我一直都好想讀Nursing，我做過少少Research，就話Poly最好，其實係咪嫁？」Ceci問June。 「我覺得係Poly到會比較多實習機會既，不過你都可以去下人地啲Info Day睇下，到時咪一清兩楚。」June笑說。 「其實呢，有冇話邊間大學畢業就多數做邊間醫院咁嫁？好似你係港大畢業，就去左Queen Mary到做咁……」Ceci追問June。 「冇定既。不過就有呢個傳統既……」 「唉……死喇，我好驚DSE會衰左啊……阿哥啊，不如你第時比下啲分我啊……」愁眉苦臉的Ceci放下飯碗，抓著正在夾菜的哥哥Giroud手臂開玩笑。 「你痴線喇！你自己讀好啲書好過喇！」Giroud不多跟家人開玩笑。 「你KC——英皇書院喎，教下你細妹都得掛……唔……」Ceci向Giroud撒嬌。 「唉……得喇，你好煩！」「好嘢！」 Alves因為此情此境，會心一笑。他替女友June夾了一件雞塊。...侍續


[圖擷取自網路，如有疑問請私訊]