原來旺角間DISCO 真係咁邪，果日真係撞到野

睇左咁多C兄既鬼故事, 分享一下親身經歷,(如果大家覺得我寫既OK, 都想再睇請留言支持.)1.旺角DISCO 2.尖咀disco

1.旺角DISCO(上)我同依家個老公約左佢兩個男性朋友仔去玩, 果次係我第一次去MK場, 入到去就覺得好殘舊, 所以成晚都係座係到, 之後朋友A話去洗手間, 等左成個鐘都唔見佢出黎, 我就叫我老公去睇下, 等左一陣我老公就同佢個朋友出返黎, 但佢朋友個樣就白哂, 個樣好驚咁 我老公就叫大家先離開呢間DISCO, 呢個時間我知出左事(應該話正常人都睇得出有事), 但朋友B死都唔肯走仲話有女媾緊佢, 咁老公就叫佢叫埋個女人走, 朋友B就行開左去搵個女仔, 果就勁驚咁等, 之後B朋友帶左個係咁黑既地方都睇到大佢30-40歲既女人過黎(B朋友平時好多女人, 而且唔正唔媾)我同老公打左個眼色, 不過因為朋友A所以無理咁多係咁叫走人, 但個女人係咁話唔好走啦, 玩多陣啦, 我地當然唔理佢, 但B朋友當然唔想走啦, 最後我地就唔理B朋友, 先帶A朋友離開.出左門口就去左間好多人既茶記, 定左一陣, 我忍唔住問剛剛發生乜事, 原來我老公去到WC時只見到朋友A對住一張放左好多卷紙既舊椅不停講野, 仲要好似有問有答咁, 老公起初古係朋友A玩野, 因為佢平時好喜歡玩人, 但後來老公行埋去叫佢唔好玩時, 朋友A同我老公講叫佢唔好嘈住, 亞伯好好人講緊呢到既鬼故佢聽, 我老公就話邊有亞伯呀, 你同D卷紙吹乜水呀, 講完之後老公見朋友A個樣變得好驚慌, 手指住D卷紙話咁大個人係到你睇唔到咩?之後兩個都唔再出聲, 一齊走出黎, 朋友A話係我老公叫佢之後佢指返亞伯時, 佢自己先見到果到咁本冇可能座到人. 不過想唔到事情原來只係剛剛開始....我聽完件事就覺得好驚, 勁想快D返屋企, 正常朋友媾緊女我地都會走先, 但呢次知道間野有問題, 點都想叫埋朋友B一齊走, 但可能因為DISCO好嘈, 打比佢一直冇人聽, 最後只可以上返去搵人, 但我同老公都覺得朋友A都係唔好上去好D. 但老公一個人上去搵我又驚再出事, 呢個時候茶記個伙記細細聲同我地講, 叫你朋友座埋個關帝神台邊張台, 你地上去搵啦, 我地果一刻先知, 我都講得好大聲, 身邊好多人都聽到哂. 咁我地就照做.

旺角DISCO(中)**(剛剛問返老公, 間野叫100FEEL)我同老公離開左茶記就返上去DISCO, 見到朋友B重同個果個亞姐跳舞, 我地走埋去叫佢地一齊走, 個果亞姐聽到後好嬲咁超住我地, 但我地當然唔理佢, 之後我老公發火朋友B就叫埋個女既一齊離開, 落到樓下個亞姐就叫朋友B去佢屋企, 我本來唸住都離開左DISCO佢地去邊就由得佢, 但我老公異常咁惡咁要朋友B跟我地走, 拉拉扯扯最後係我地接埋朋友A一齊去左亞姐屋企.去到佢屋企已經開始天光, 之前只係留意到個亞組身材唔錯, 個樣好老, 但因天光, 睇清楚D好似賓賓, 面色暗灰, 但年齡有好轉, 大約30歲左右(朋友B20歲), 但我只係唸, 應該出黎玩得多殘哂JA~路上朋友A一直唔講野, 直到去到亞姐屋企佢攞左D飲品出黎招呼我地朋友A就好大聲話, 唔好飲呀, 我同老公就呆左, 朋友B話痴咩線呀, 乜你咁乜禮貌嫁, 就搶左黎飲, 朋友A見到就出手打朋友B杯野就跌左落地, 朋友A猛力拉B想離開間屋, 個女人係咁問乜事同時拉住朋友B, 我見咁樣就出聲話唔好咁啦, 咩事呀, 我個心唸係咁朋友A鬼上身, 朋友A無理我地, 開左門, 禁埋電梯, 係咁叫走呀, 快D走呀, 我地只好跟住出門口, 係門口到個女人話, 你拉佢走佢都會再返黎, 朋友B亦叫個女仔等佢, 落到樓下我地問乜事, 朋友A話你地睇唔出咩, 個女人無幾多係人, 當時我聽唔明, 亦唔知邊撞邪...旺角DISCO(下)因為A同B住得好遠, 加上我地都想攪清楚件事, 就叫佢地兩個一齊返我地屋企, 路上A就講, 如果唔係由細玩到大, 一定唔理朋友B, 自己走先, 朋友B一直話A痴左線, 發神經, 我當時真係唔知信邊個好, 到左我地屋企, 佢地仲嘈緊, 我忍唔住話唔好為左個賓賓嘈啦~講左呢句說話之後, 事情開始清晰, 朋友B話你講咩呀?我就話個女仔似賓賓, 因為佢既膚色好肯定係賓賓色, 但亞B話個女仔咁白都似賓賓?我地再形容多D個女人個樣, 同朋友B講既咁本兩個人, 朋友B最後仲話我地玩佢, 嬲爆爆咁想走, 我老公其實一直冇乜出聲, 見佢想走就話:邊個岩都好啦, 我想我老婆安心, 係兄弟就帶住呢條頸錬, 老公就將自己帶開條錬比左佢, 朋友B帶上後就離開左.朋友A見B走左, 佢座多左一陣就話點都係唔放心亞B, 話要去搵個C父之後就離開我屋企.格左一星期左右, 亞A打電話黎話佢搵左C父, 問左當晚既事, A真係撞鬼, 不過個亞伯只係想吹水, 冇傷害佢任何野, 面青只係佢嚇親, 但B就大問題, 因為當日佢離開我地屋企後返左個女人到, 佢話當時唔識驚只係感覺好掛住佢, 但個女人係KISS後叫佢除錬,佢唸唸下有D驚搵藉口離開左, 之後A同佢去左C父到問,知道個女人係因為養鬼之後比鬼迷, 而隻鬼就睇中左亞B, 而且唔肯放手, 最後佢要全身寫符(封身), 仲要佢親身自己上去同個女人講唔好再搵佢, B話封身後再上去, 睇到女人個樣真係唔同哂, 一D都唔吸引, 但係肯定係同一個人. 之後格左幾個月再聽佢地話, 隻鬼一直跟住佢地, 攪唔到佢地就攪佢地身邊朋友有次返大陸DISCO, 身邊朋友失左蹤, 到依家都搵唔到, 但關唔關呢隻既野事 就唔知啦~
尖沙咀one two three Disco~~(上)同上面單野一樣, 我同老公A同B朋友格左幾個月我地又再去DISCO, 今天我堅持去尖吵咀, 因為我真係唔鐘意去MK場, 加上次單野, 本來我已經不想再同A同B出街, 但佢地走到出黎我地屋企搵我地去, 老公就話是但, 咁就去左一間有識既人既DISCO, 果日係平日, 成個場冇人, 亞A因為上次單野就跟左個C父學野, 佢就企係個冇人既舞池邊話睇D野跳舞, 因為呢D地方最多果D野, 我就同B座係旁邊, 其實我好驚, 我老公就好投入咁聽歌, 冇耐老公去洗手間, 我就同B講, 仆街啦, 佢地兩個都走開哂, 亞B旦起身轉個頭望全我, 我睇住佢雙眼咁有神變好似死人咁, 再成個人彊直拍落我到, 我比佢拍到訓左落地, 仲佢比壓住, 我大叫呢之死啦, 又黎料呀, A同兩個睇場立即拉起佢同扶我起身, A就係到LUM地(好似上童咁)再係咁打亞B(哈哈, 亞A次次出事都係打亞B唔明), 唔知我老公幾時出返黎竟然一齊打到, 我就立即叫DJ開燈熄音樂(因為識既), 咁B又比A同我老公打到LOOK左落樓, B一直彊硬, 之後老公同A朋友迫左佢埋牆, 如果有去過呢位野, 都知樓下有個神台, 我就可能睇得戲多,走左過去攞左對紅快指夾B既中指, 一夾B就醒, 問佢地做乜打佢, 但我可能太驚定係隻野太勁, 紅快拍汨一聲爛左, 我見B都識講野又冇硬唸住冇事, 但唔多肯定, 再問佢點識我老公, 佢竟然話係one two three識同時捉住我隻手,(佢地咁本由細玩大, 唔係尖沙咀識既)果一核我老公lum左一下地, 再用一個之後先知叫金爐既手印吸住佢個頭, 佢成個人又定彊返, 我果核真係想叫救命, 連老公都痴左線咁, 大佬間野成班人我都識真係想死呀(因為我本身一直唔多信呢d野, 老公亦冇講過有關呢d事, 更唔知佢識呢d野, 因為拍左拖都係1-2年) , 之後佢吸住B, 叫我地搵的士, 開左的士門, 老公單手好似有吸力咁吸住佢上車, 其間B對腳係得鞋頭掂到地...我真係覺得好神奇, 一直唸緊係咪發夢...不過上車冇耐, 間野班睇場打比我, 叫我要帶個朋友去攪攪佢, 因為佢地知唔係第一次出事, (頂...又唔早d講)...........尖沙咀one two three Disco~~(下)上左的士, 老公又話去我地屋企, 呢次我勁驚, 心唸係咪痴線嫁, 又帶返屋企, 不過冇出聲, 因為冇可能咁冇義氣話d咁野, 途中有警察查車, 我心唸好lo~差人一定會幫手解決(雖然我冇唸佢地會點解決, 但驚既時候都會唸搵差人或打999), 車停左, 警人叫攞身分證, 亞b依然彊硬, 咁差人好正常會覺得我地有毒品, 就叫哂我地下車話要首身, B照舊冇反應, 我就同D亞蛇講, 我地係ONE TWO THREE撞鬼呀,佢彊硬左, D亞蛇冇答我地, 只係叫我地叫B出黎, A同`我老公就台左佢出黎拍係車尾上面, 警人照佢個鼻, 冇白色粉碎, 問我地唸住去邊, A話會去搵C父, 個亞蛇用手指試過B個鼻有冇呼吸, 之後竟然話你地快D帶佢走啦~~~我心唸有冇攪錯,一唔係應該幫我地叫白車咩??PS.真人真事, 查車地點, 紅磡火車站由尖咀去紅磡方向, (自從呢次我好憎差人)之後到左我屋企..武俠小說事情出現, 老公係到口UP UP唔知講乜再係到用手印D古怪手印幫B唔知做乜, 慢慢真係見B開始有反應面色亦好左好多, B對眼既神易開始反黎, (唔識點形容, 就係好似由好冇招點咁, 變到有返)再做多一陣,B就沖去W.C到嘔D綠色野出黎好似核凸膠(痴左係W.C到, 之後我洗左好耐, 所以十分清楚D色同質地), A係我老公同B攪呢D野時係咁講, 正話係樓上B係比隻細既小朋友玩, 佢唔係打B係打果隻野, 因為佢打走隻細,所以隻大既沖落樓再上亞b身, 隻大既好勁, 打黎打去都唔出返黎, 之後就係我老公出手時, A既C公就走左,佢係咁問我老公點解會咁, 但老公一直唔出聲只係幫B做D唔知乜野, 我同A見佢唔答, 可能做緊野唔可以講野掛, 係B去左嘔膠時, 老公就話你地好嘈, 唔好再問, 我一直唔想理, 因為呢D事,每個人都可以話係自已攞黎, 理唔得咁多, A就話你識都唔幫, 有冇攪錯, 上次你就應該要幫啦, 老公話我點知自己幫唔幫到, 更係唔幫好過幫, 一陣幫唔到再大單D咁點算. A就話咁今次又出手?老公話呢次我老婆唔識又幫手驚佢出事谷幫, 佢自己都未試過出手,亦古唔到可以做到咁, 佢話學既時候講明唔好比人知, 唔關自己事唔可以理人地既事, 好似吸起B上車, 佢自己都唔知點解.之後B由W.C出返黎叫我老公再黎, 我老公就話OK嫁啦, 你依家識行識走仲想點?B話剛剛老公同佢做野D(我唸可以叫法事)感覺好安定好平靜, 係咁叫我老公再幫佢, 最後就比我老公叫去跟A去C父到自己攪掂, 咁佢地只好走人.佢地走左, 我更係更問我老公啦~~我老公就話一日都係我衰8掛唔識就唔好幫手, 我話朋友有事更係幫啦, 佢話你知得幾多, 點解成日都係B中招, 又唔見你中招呢, (我黑面)佢再講每個人做D乜野咪會有乜野後果LO~真正要幫邊個你同我都唔清楚, 唔知頭唔知路一陣幫左錯人自己唔會好嫁, 咁我話果個係你朋友喎, 佢話咁佢未死呀嘛, 我再問點解佢識唔比我知, 佢話知黎有冇用, 知左咪好似依家咁比你係咁問, 之後我要求佢幫我6好似B咁做一次, 佢唔肯, 之後煩左佢好耐, 我再話正話我爆快指可能會有事喎, 佢就話你同我一齊住有事我會幫嫁啦, 不過你咁想, 就幫我試一次, 咁佢開始, 好得意既感覺, 一開始好似有D氣圍住個身咁, 好平靜好舒服, 做左15分鐘到我見老公出哂汗面色開始白, 我就叫停, 再問你好似好辛苦咁, 原來佢做呢D係用佢一直儲既野黎比我地,我問係乜, 佢話大約好似善事果類加上修法就可以咁, 但佢付出係好大, 我果時好後悔係咁要求佢幫我做, 其實我只係好奇想試..之後我冇用同B出街啦~發生左呢件事, 另我對差人, 老公同自己人生觀都改變左, 我成日覺得係自己朋友就應該幫助冇唸自己既能力, 亦冇唸人地既因果, 呢次之後我同老公一齊都有發生幾次怪事, 亦知道就算學法亦唔等於一定冇鬼埋身, 反而我覺得比乜都冇隅過既人更多呢D事...有時間再講下


[圖擷取自網路，如有疑問請私訊]