TVB收視最高！《火線下的江湖大佬》老戲骨們好搶戲 大佬南哥同埋個女心心

無線新劇《火線下的江湖大佬》喺上星期首播，由鄭則士、黃光亮及首次做女主角慨陳煒擔正，劇情主要講述何其爽（鄭則仕飾演）由昔日江湖中人退下火線，開設一間餐廳過平淡生活，何其爽又因為照顧柳卓南昔日女友蘇佑琳「傻冧」（陳煒）而暗渡陳倉，但系昔日大佬柳卓南（黃光亮飾演）突然提早出獄，搞到何其爽同蘇佑琳唔知點算好，習慣橫行霸道慨柳卓南亦想東山再起，繼而發生一連串事件。劇集播出後，唔少網民都覺得劇集戲味十足，劇中唔少演員都交足戲，劇集仲成為今年無線劇首播收視最高慨劇集！唔少人睇完都話呢套追得過！
黃光亮 平時演開惡人慨黃光亮飾演惡形惡相慨過氣江湖大佬柳卓南入型入格，有時表現到好威嚴，夠曬霸氣，但系亦因脫節20年要重新適應社會，而發生唔少趣事，成功演活過氣大佬慨希噓。
鄭則仕相信唔少人對鄭則仕慨演技毋庸置疑，今次飾演一個退隱江湖開餐廳做廚師慨江湖中人，對老婆傻冧、大佬南哥同埋個女心心（岑麗香飾演）都照顧有加，劇中角色演得搞笑又自然。
陳煒過檔無線多年慨陳煒喺今次終於可以做擔正女主角，佢飾演慨傻冧周旋喺何其爽同埋柳卓南之間，就算佢同Ken哥年紀有一定慨差距，但系觀眾睇落完全無突兀慨感覺，相反仲覺得好自然好舒服。
苑瓊丹好耐冇喺無線劇集出現慨苑瓊丹，今次喺劇中飾演傻冧家姐蘇佑妙「Miu姐」，劇中表現死鬼、搞笑，仍然保持一貫水準，每次佢一出場啲戲都會俾佢搶曬。
李天翔見到李天翔除左知佢系認字特工外，就一定覺得佢系做奸角。佢慨演技加眼神演活唔少奸角，今次都唔例外喺劇中飾演年青時期慨江湖大佬柳卓南入型入格，唔少網民都認為李天翔樣又唔差，又有實力，但就系差咁啲運，無線應該比多啲機會佢，仲話如果拍前傳慨話，佢絕對有資格做男一。
韋家雄上年獲得「最佳男配角」慨韋家雄飾演何其爽年青版，唔少人都認為系不二之選，不過今次唔少網民都好葡萄佢，因為喺第二集已經同宅男女神湯洛雯（傻冧年青版）有kiss戲。
想在手機閱讀更多娛樂新聞資訊？下載【GigCasa 激趣網】Android應用


[圖擷取自網路，如有疑問請私訊]