「Powerbomb」重火力支援 手榴彈型流動叉電

係呢可以冇工返、可以冇飯食、可以冇女陪但唔可以冇電話嘅年代，要Keep住部電話長期有電係所有都市人每日嘅任務。除咗無時無刻都叉住部電話之外，隨身帶個「尿袋」出街應該都係最多人會揀嘅方法。不過市面上大部份尿袋一係靚但容量少，一係容量大但就成舊磚咁款，要靚又夠電，目前唔知有冇，但將來好似會有！就係呢舊「Powerbomb」！ sponsored 呢個由印度設計師「Rahul Shirbhate」設計嘅「Powerbomb」，靈感好明顯就係黎自手榴彈。而除咗個樣似之外，13000mAh嘅電量亦相當適合作火力支援。而且唔係得個樣架，電量顯示燈、開關、插口等都融入設計當中，仲可以加多個鎖匙圈添！ sponsored sponsored 根據Rahul嘅設計，呢個尿袋除咗可以叉電話之外，連Tablet同相機都可以叉！一切睇落都係非常美好－－唯一要擔心嘅就係如果一個唔該係由大陸廠做，話唔定真係可以當手榴彈用……


[圖擷取自網路，如有疑問請私訊]