「女仔人家，唔好飲咁多啦，你會後悔架！」

:0:1

年底啦，越來越多聚會，越來越多party，越來越多飲酒嘅機會～但對於女仔飲酒，一定會有人跳出嚟話：「女仔人家，唔好飲咁多啦，你會後悔架！」點解男仔飲到嘔就系「哥喝的是寂寞」，女仔飲酒就系「唔潔身自愛」？究竟系咩原因令人覺得女仔就唔應該好杯中物呢？因為佢哋覺得女仔飲大咗會發生以下嘅事，但其實真系咁咩？1. 女仔飲醉酒會喊到失控傻啦！人有情緒，喊系其中一個方法，想喊果陣唔駛酒精都可以喊到失控，關飲酒咩事？2. 講嘢會比平時高2個Key，仲會大聲咗幾倍好嘢！系咪即系可以參加乜乜好聲音？3. 女仔飲酒唔識停，唔會有「回氣」嘅時間唔停系因為覺得未夠，夠果陣就自然會停；好似食嘢咁，飽就食唔落。點知你咁快就要回氣喎！4. 因為唔識停，好易會俾人灌醉咁其實會唔會系灌人飲果個大問題啲？5. 本身脾氣已經大，飲酒即系加大把火即系話本身冇火，就唔會有問題？咁女仔又唔會無端端端發脾氣，所以正常嚟講哩個擔心唔成立啦？6. 會冇曬儀態，講啲唔應該講嘅嘢如果斯斯文文安安靜靜先系儀態嘅話，又好似真系冇乜，但咩叫唔應該講嘅嘢？酒後吐真言果啲真話？7. 女仔飲醉會想成為眾人焦點，而最後佢真系會成為眾人焦點如果佢想，而佢最後又真系做到，咁個壞處系？8. 飲醉酒會唔識返屋企，好容易會去咗人哋屋企會去咗邊個屋企？如果系朋友出於好心幫手照顧，起碼可以認清邊啲系好朋友。9. 飲醉酒會大膽咗，可能會周圍撩男人所以系俾人撩果個以為會有機會，後尾發覺原來只系一場空所以唔開心？咁又真系個女仔唔啱，做乜撩人啫？講咗咁耐，唔飲酒都一樣可以有地方做得唔夠好，咁點解成日覺得飲酒嘅女仔有問題？其實節制與否系個人責任，同男仔飲酒有咩分別？如果冇嘅，又憑咩用另類眼光睇女仔飲酒哩件事？