阿伯上車不斷要求讓出關愛座後生仔眼紅紅回應：「我返工企咗成日喇！」

:0:1

自從交通工具實施關愛座後，社會多了不少老人與年輕一代的爭執。有人認為老人家因身體健康問題，不能站太久或害怕跌倒，在交通工具上需要找座位坐一下；又有人認為年輕一輩工作辛苦，一些需要站立工作的上班族也需要坐座位。近日有網民在Facebook「奴工處」專頁分享一則個人經歷，指出關愛座引起的長輩與年輕人矛盾，引來不少網民留言討論。
撰文：Evita | 圖片：新傳媒圖片庫、[email protected]港鐵Cap嚟見我
阿伯要求讓出關愛座近日有網民在「奴工處」Facebook專頁投稿，指自己乘港鐵時看到有個年輕男士坐關愛座，不過就一直低頭。後來有位伯伯上車叫該名男士讓座，男士抬頭時雙眼發紅：「我份工企咗成日啦！」怎料伯伯以：「後生仔企下無所謂」作回應。

後來男士說：「成個新年無放過假阿X！」不過伯伯依然你有你發牢騷，我有我要求坐，之後旁邊的女士讓位給伯伯。

有網民就在此貼文下面留言，直斥「老唔係大晒」、「後生返足全日工都想有位坐吓」、「關愛座又名分化座」等。

呢兩位網民分享自己懷孕時被長者要求讓座，其中一位網民更被指扮大肚。

其實優先座原意是讓有需要的乘客使用，不過近年愈來愈多人因為優先座而發生爭執，優先座真的能夠發揮其功用嗎？還是只是一張讓人累到也不敢坐的「批鬥座」呢？
不單止以上的網民經歷，更早前還有另一位網民投稿至同一個Facebook專頁，指自己平日會調景嶺往荃灣上班，除了關愛座，看到有位都會坐。

樓主分享有日上班時如常找到座位，打算藉車程再補補眠，怎料去到九龍灣站時，樓主突然被身旁女士拍醒。女士指住一位剛上車的嬸嬸，再叫樓主讓座。此時嬸嬸有禮貌地稱自己很快下車，叫樓主休息多會兒。

最後樓主都讓座給嬸嬸，不過樓主就指不明白為何身旁女士自己不讓出座位，如常用電話煲劇以及叫醒他人叫人讓位。

網民都看不過人，認為該名女士應該自己主動讓座，叫樓主應該「拍返佢轉頭」。

Cap by 新假期
睇埋呢度：好心讓座反被港女批鬥坐暖咗個位　網民：坐輪椅啦你！私家位呀！喺充滿批鬥嘅公共交通工具，每一個角落都可以係戰場，廢青唔讓座俾廢老、大肚婆、細路（其實點解要讓俾細路？），固然俾人hi到上火星啦！不過最近就連有人肯讓座，都俾人網絡公審！呢個世界係咪痴L咗線？
早前有一名港女喺Facebook「Tai Po 大埔」群組出post大呻有日搭巴士時，有人坐咗喺近走廊嘅座位，窗口位就擺咗手袋，當樓主行近、出聲要求對方讓位，對方就拎開手袋，坐入窗口位，讓自己個位俾佢坐，呢位樓主竟然嫌人哋坐暖咗個位！原post已經網民圍插到佢收皮，pos已del，不過樓主條氣唔多再，再出post反擊：「點解有人咁鍾意做巴士人肉暖櫈寶，明明自己坐緊個位，一見到有人要坐入面，就自己移入，要人坐你個暖位。」

讓又鬧，唔讓又鬧，一眾網民緊係要招呼佢一下啦！

驚有菌⋯⋯自己唔坐咪得囉！

坐「私家位」就冇爭拗啦！

膠通消息來源：Facebook「Tai Po 大埔」群組
讓座嘅是非真係日日都有⋯⋯連登仔唔讓座俾細路仔被睥　網民：識行識跳點解要讓？喺香港呢個咁「關愛」嘅城市，四肢健全，個樣睇落40歲以下都有原罪是常識吧！無論病到hihi，還是放工攰到想即刻瞓喺街，都必須篤楝企，搭車見到有位唔可以坐，更要對「批鬥座」敬而遠之，抖膽坐落吉位度？興則當場被批鬥，重則被網絡公審！「道德偉」橫行，讓座俾老人家已經變咗「不成文法例」，但唔知幾時開始，讓座要讓埋俾細路仔嘅呢？
讓座俾老弱傷殘、大肚媽媽，都尚且講得過去，但係小朋友明明精力過人，幾時成為「弱勢社群」㗎？連登巴打「馬太福音第27章」都有呢個疑問：「點解而家變到要讓埋座俾細路?」說話佢有日返工搭地鐵，見有位座就座下啦，咁啱佢對面有一對母子，個小朋友扭計要坐，之後個阿媽就「睥」住樓主，點知樓主隔離嗰位讓座，個細路一聲唔該都冇就坐落去，然後佢阿媽就繼續「睥」住樓主示意佢讓位！雖然佢最尾都冇讓到，但就覺得呢個社會已經痴咗線！