情人節送驚喜畀老婆!張繼聰街頭唱情歌冧謝安琪

話張繼聰係最冧最體貼嘅老公,應該冇人異議!佢同謝安琪(Kay) 一直係娛樂圈中嘅模範夫婦,早前二人踏入結婚12周年,張繼聰唔止帶老婆食好西同禮物,仲送上超浪漫金句冧老婆!而昨日情人節,呢位「愛妻號」又為太太送上一個最難忘又浪漫嘅禮物,之唔係喺尖嘴街頭唱情歌囉,真係sweet到暈!
撰文:東方新地 圖片:新傳媒圖片、張繼聰ig 、謝安琪ig
閱讀全文
張繼聰 街頭唱情歌冧謝安琪張繼聰在Instagram上寫道:「老婆話唔要啲物質禮物,但係要難忘嘅冧豬嘅幾十年後都記得嘅,於是我帶佢去海旁,問班年輕人借咗啲架生……」原來佢問喺海旁嘅年輕人借咗支結他,即興自彈自唱張學友首《每天愛你多一些》冧老婆,片中所見現場有近百人圍觀,見證呢個浪漫時刻!


當鏡頭影到Kay時,佢笑得好燦爛好冧成副冧樣出晒嚟,相信呢份禮物最永恒,也令呢位幸福人妻一世難忘!



張繼聰仲話要多謝班借樂器畀佢嘅年輕人,更向Kay表白話要「每天愛你多一些」,兩公婆恩愛到暈。

原來獻唱前仲有段小插曲,張繼聰話喺海旁遇上周國賢夫婦,而周國賢除咗幫張繼聰拍片,都有份拎起結他獻唱佢首《目黑》!

張繼聰冧完今世情人,再發咗張同前世情人嘅相,佢上載咗張咀嘴囡囡溫馨照祝大家情人節快樂,仲搞笑話張相係「激嬲老婆系列」!

大家一齊睇片,感受吓當時場面有幾冧!

View this post on Instagram
《做d顛嘢系列》 . . 老婆話唔要d物質禮物,但係要難忘嘅冧豬嘅幾十年後都記得嘅


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁