女大18變定造型出事？張曦雯 突然同Do姐撞樣

華姐冠軍張曦雯(Kelly) 樣貌身材皆出眾，雖然高貴氣質被指靚得太「離地」，但原來係一位愛打機、愛下廚的貼地女神，去年更憑劇集《跳躍生命線》的精湛演出再度人氣急升！不過近日張曦雯出席新年活動時，就被網民指樣貌唔同咗，仲同Do姐鄭裕玲撞樣？
撰文：新假期、東方新地｜圖片：新傳媒、張曦雯Instagram、網上圖片
Cap嚟見我
張曦雯靚得太「離地」1990年出世的張曦雯今年28歲，樣子標緻、笑容甜美，不單上圍豐滿，身高175cm的她更擁有一雙修長美腿，完美！張曦雯任明珠台《港生活·港享受》及翡翠台《東張西望》內「Pearl Tonight」主持時，開始為人認識。舉手投足散發高貴氣質，加上被指靚樣太「離地」，張曦雯漸漸與女神劃上等號！
張曦雯之前，都好少聽一個藝人靚得太「離地」？
直播打機爆粗有着華姐冠軍的美貌與氣質、張曦雯原來都有非常麻甩的一面！佢就試過直播自己玩喪屍遊戲《Resident Evil 7》，高峰期有逾2千人收看！
張曦雯打機時非常肉緊，表情多多，時而大笑時而扁嘴，玩得興起時仲狂爆英文粗口！佢玩得high之餘，網民睇得更high！
索爆身材深入民心除了演出劇集，真正令張曦雯深入民心一定係2016年底《3日2夜》！張曦雯的美好身材從此成為標記！


演《跳躍生命線》人氣急升無綫台慶劇《跳躍生命線》去年引起熱潮，其中只係第三次拍劇的張曦雯，本來樣貌身材已經超班、演技進步不少，而且因角色討好而備受關注。大結局中張曦雯遇交通意外受重傷，幸好最後冇事！大團圓結局！
其實張曦雯只係第三次拍無綫劇！張曦雯與馬德鐘呢一對備受觀眾喜愛！張曦雯忽然同Do姐撞樣？近日張曦雯出席一商場新年活動，之後上載一輯照片到IG，相中見到女神身穿一襲粉紅碎花裙相當Sharp醒，不過有唔少網民就話張曦雯「個樣唔同晒」、「鼻同下巴假得好離譜」等，大家點睇？
張曦雯呢個髮型同衣著都同平時好唔同！角度問題？
網民們講吓講吓，仲話張曦雯個樣愈來愈似Do姐鄭裕玲，話兩人撞晒樣！
大家覺得張曦雯同Do姐似唔似樣？
舊照流出惹整容疑雲張曦雯被不少網民奉為女神，早前有網民特意開post讚佢靚，不過跟隊有唔少人留言話女神進化咗好多，之後仲有大量舊照流出，大家又覺得女神係咪唔同咗樣呢？
 
雖然都係靚，但隻眼明顯有唔同……？
仲有個鼻！明顯高咗，鼻頭尖咗咁。不過張曦雯就話屋企有好多由細到大的相片，個樣同而家一樣，所以唔驚畀人話佢整容，大家又點睇先？張曦雯BB時代照片～Cap by 東方新地
 
 


[圖擷取自網路，如有疑問請私訊]