港男唔夠錢買樓結婚不成仲被分手女友父母：「唔好害我個女！」

:0:1

經常都聽到：「香港地無錢就咩都唔洗講！」身處於咁現實嘅社會，想同另一半結婚除左日常開支能否負擔到外，買唔買到樓亦係一個非常重要嘅大前題。近日有位巴打喺討論區上提到自己想同女友拉埋天窗，但表示以自己財力，想上車實在有心無力。想擁有一個家庭同自己嘅屋企唔通真係咁難？
文章授權轉載：Smart ED編輯部｜圖片：電視截圖、unsplash
閱讀全文
事主同女朋友都約27、28歲，拍拖6年，一直都有計劃想結婚。但就算有儲開錢，都覺得好難先夠錢買樓同結婚。
事主仲提到自己傾傾下忍唔住喊，但唔敢出聲，唔想俾女朋友知自己嘅壓力。

【網民熱話・首期】圖片：電視截圖有人講出自己同事主相似嘅經歷，最後被逼面對現實，無首期就要分手。該名網民27歲，畢業出嚟做咗4年野，29K一個月。
人工每月分配：

14K家用
1.5K公積金
1.5K還學費
3.0K午餐交通
3.0K同女友出街
1.0K交稅/做人情
每月儲6K

慨歎出嚟做嘢先知養家係咁辛苦，女朋友屋企人問過佢幾時買樓，話「貧賤夫妻百事哀」，叫佢放棄唔好害佢個女。養到個女咁大，唔會俾個女同網民屋企人一齊住。最後女友早幾日就講咗分手。
唔夠首期可以租住樓先不少網民問：可以租住樓先，唔係嘅話唔通40歲先結婚？
不過不少人指租唔係租唔起，亦都儲咗幾十萬，但同買到個距離爭好遠。
無話過結婚就一定要買樓。正常來計，事主拍咗六年。應該有為結婚樓儲啲錢。
有人提到其實畢業之後有好好鋪排，三十歲左右搵40k up應該無乜難度。
加上買到樓唔代表成功同幸福，買咗都要供好多年，供樓一樣有壓力，按自己能力去搵適合自己嘅生活先係最重要！
網民留言：「結婚簽張紙咪算 D錢留返嚟全力上車。」

【網民熱話・首期】圖片：電視截圖有巴打表示，邊條法律規定要買左樓先可以結婚，唔好鑽牛角尖。
如果屋企有自己房，可以同住喺其中一方屋企一排先，唔應該俾咁大壓力自己。試問全世界有幾多主要城市/大城市嘅後生仔，可以淨係靠自己返幾年工就買到樓？
網民留言：「好彩我女朋友唔介意平搞結婚再慢慢儲錢買樓，但仲要係咁俾人追家用。」

【網民熱話・首期】圖片：電視截圖不少年輕人慨歎喺香港生活慘，如果有屋企要照顧嘅話，就唔係咁單純有愛嘅人一齊就得，仲要俾老一代話90後唔夠勤力。
無嘢慘過岩岩超過居屋入息限制，私樓又未買得起。依家嘅香港好似無打算照顧呢班人。「出去租樓萬萬聲，剩低唔知儲幾多件先夠上車。」
喺香港，當你租屋都冇咗一截，交通水電食飯日常開支，就算儲到錢，都唔知係幾時嘅事。
有人表示，無樓結婚無所謂，但唔好生仔，你幫唔到將來小朋友買樓都算，唔好要佢幫你交埋租。交兩份，到時你小朋友只會比你更痛苦。
網民留言：「500萬樓做2成都要100萬，仲要你有本都冇用，人工冇番咁上下都唔駛旨意過到壓力測試。」