未來戰駒 Honda Bros 400 by K-Speed

之前就同大家介紹過由越南電單車改裝品牌「K-Speed」操刀嘅Super Power Cub，當中佢哋喺前叉上加上金屬外殼，令Super Cub由一隻可愛小狼變成型格大狼都可謂神來之筆。佢哋最新發表嘅「Honda Bros 400」就更誇張，直頭將呢部初心向電單車變成充滿未來風格嘅戰駒！





Honda Bros系列又名「Hawk GT」，於1988-1992年曾出口至歐美市場，其中400cc嘅型號曾經被《Motor Cycle》稱為「重、唔夠力而且過時…但驚人地舒適」，K-Speed嘅改裝或者就可以針對佢嘅不足，尤其係「過時」嗰部份。只保留車架、搖臂及車輪，K-Speed先製作一個極厚重同時又豐未來感嘅外殼包裹整個前叉同大半個前輪，另外又稍稍改變油缸設計令車身線條更順滑，車尾部份更加係重新設計，為後輪預流更加空間，再加上由Motorgadget出嘅超小型指揮燈，呢架Bros 400絕對同「過時」拉唔上任何關係！











K-Speed


[圖擷取自網路，如有疑問請私訊]