【有片】港女搭小巴唔扣安全帶直炒錢箱　司機：你點會瀡咗出去㗎你？

:0:1

無論搭任何交通工具，如果有安全帶就最好一定要扣上，除咗安全因素，唔扣上仲有機會被罰款！日前就有網民在Fb群組「馬路的事討論區」上分享一段小巴車Cam影片，片中一名女子因為未扣上安全帶，司機轉彎時就直接在座位「瀡出去」頭撞收銀箱而受傷。
撰文：GW｜來源：[email protected]「馬路的事討論區」
Cap嚟見我
發帖者在群組「馬路的事討論區」裡Post出了一段小巴車Cam影片，Caption是一句溫馨提示：「安全帶的重要性」。影片中可見一名女子坐在司機後面的第一排靠窗的座位上，亦沒有扣上安全帶。

網民貼出警惕世人要扣上安全帶的車Cam片在小巴轉彎時，該彎也不是什麼特別急或大的彎，但女子就直接從靠窗的座位上向外「瀡」，頭部直炒小巴的收銀錢箱，女子抱頭狀甚痛苦，仲流咗好多血。

女子坐在靠窗位置沒有扣上安全帶

司機轉彎女子隨即瀡出

女子瀡出後頭部直炒錢箱以下為事發時司機同女子嘅對話內容節錄。（小巴轉彎）
（女子「瀡」出，頭部撞向錢箱）（BOOM！）
小巴司機急忙慰問：「哎吔！嘩嘩嘩嘩嘩！你無事吓話？你點會瀡咗出去㗎你？」
女子：（用單手按著頭部，看似非常痛苦）
小巴司機隨即停車（轉身查看）：「睇睇呀？有冇事呀？」
女子：「好痛呀！流緊血呀！」
小巴司機：「我停埋一邊先啦！你點會瀡咗出去㗎妳？停埋一邊先喇！唉我真係怕咗你喇！」
港女：「好多血呀！」
小巴司機：「流緊血呀？哎吔！咁點呀？（向女子遞上紙巾）」

錢箱嚴重傾斜成為不少網民擔心的對象

女子摸頭狀甚痛苦網民評論「雖然好似唔應該笑，但唔知點解真係好好笑，我仲loop咗幾次」、「無事嗎？？個錢箱」、「圓形無角係咁㗎啦」、「係咪佢個Pat太圓吓話？唔係點會成個波咁碌出去」、「後面個婆婆仲穩陣過佢」、「女事主好似池美麗」。所以大家無論搭咩交通工具都好，唔想受傷的話，記得記得要扣好安全帶啊！