中國網軍豪言攻陷連登FB 未出征已被起底瞬間舉白旗

近日因一連串「反送中」示威而揚名世界嘅連登討論區,近日被強國嘅網絡水軍睇中,強國網軍組織「帝吧」聲稱要對香港發動網戰,到連登同FB洗版,誓要「聲援香港警察,維護法制社會,反對暴力亂港,擁護一國兩制」,不過未出師已率先「蝦碌」,遭香港網民秒速起底,結果火速含淚宣佈收兵。
撰文:Be | 資料來源:連登、微博
Cap嚟見我
強國網軍原定攻擊連登FB 遭起底後秒速投降「帝吧」係一支來自中國嘅論壇網軍,號稱「帝吧出征,寸草不生」,原定喺7月23日夜晚8點出征,喺多個港人經常流連嘅FB專頁同埋連登發動「洗版式攻擊」,佢哋事前已經試水溫,喺FB周圍留下emoji、貼圖等「愛國」訊息,不過就引起精明嘅香港網民神探上身,迅速將呢班水軍起底,好多重要嘅個人資料,例如真實姓名、身份證號碼、屋企地址、手機號碼、QQ、財付通、支付寶、提款卡同埋戶口餘額都俾人任睇唔嬲!
「帝吧」網軍對香港網民宣戰:「聲援香港警察,維護法制社會,反對暴力亂港,擁護一國兩制。」原定7月23日夜晚8點出征。有16個「千人群」,巧驚驚呀!所謂嘅「洗版式攻擊」就係狂貼圖洗版。網軍去民陣FB版,香港網民以「8964」還擊,搞到佢哋人腦「hand機」!強國網絡實名制 個人隱私保護力極低香港網民以迅雷不及掩耳之勢將「帝吧」網軍徹底起底,「帝吧」軍頭旋即扯白旗投降﹐宣佈以「不破壞香港人民群眾正常生活秩序」為名收兵,可謂未出師,身已死!呢次事件亦意外令網民發現,中國嘅個人隱私保護度極底,原因就係中國實行網路實名制,只要搵到其中一項個人資料,就可以將對方嘅隱私連根拔起㗎喇!
「帝吧」宣佈收兵。事後「帝吧」仲要被割蓆!有網軍連戰事已結束都唔知道。


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁